Sport Bölümi

Ýarymfinal : Türkmenistan 4 – 4 Sudan (P: 1 – 2 )

Merdan Ataýew

 

Nowruz 7, 2004. Baýdak aýynyň 28-ne oýnalan ýarym finallaryň netijesi TM 4 – 4 Sudan (Penalty – 1:2) we G.orta Afrika 4 – 3 Wiýetnam şeklinde jemlendi. Türkmen talyplary bilen Sudanlylaryň arasynda örän çekeleşikli oýun boldy. Ilkinji ýarym 2-0 hasaby bilen Sudanlylar öňde jemledi. Ikinji ýarymda bolsa ruhlanan toparymyzyň iki golunyň gysga wagtyň içinde garşydaşlarynyň derwezesinde girizilenini duýulman galdy. Soň oýunyň soňky minutlaryna çenli hasap 3-4 şeklinde Sudanlylar öňde barýardy. Emma soňky minutda toparymyzyň oýunçysy Wepa Narmedowdan  gelen uzak aralyk goly hasaby bilen deňlendi. Umytlar sönmedi.

Emin 11-metrlik penalty urgylaryna karar berdi. 2 urgy iki toparyňam adyna üstünliksiz boldy. 3-njiler bolsa ikisiniňem hasabyna gol boldy. Penalty hasaby 1:1. Muny yzarlan iki urgydan birini sudanlylar üstünlikli jemlediler, emma türkmen talyp topary ikisinem urup bilmedi. Biz tehniki taýdan ýeňilmedik. Emma talyhsyz netijede penalty urgylarynyň gurbany bolduk.

 

G.orta Afrika 4 – 3 Wiýetnam

 

Wiýetnam bilen G.orta Afrika toparlarynyň oýny hem gaty çekeleşikli boldy. Hasaby açan Wiýetnam topary boldy. Muňa garaşmadyk Afrikalylar oýunyň badyny berkitdiler, we 2-1 öňe çykmagy başardylar. Hasap ikinji ýarymda uzak gündogar aziýalylaryň iki goly yzly yzyna urup, garamyratlaryň öňünde geçmek bilen dowam etdi. Oýunyň soňky 4 minudyna çenli afrikanlar ellerine geçen birnäçe pursady hasaba öwürip bilmediler. Emma ejiz aziýalylaryň ýadawlygy barha-da garşydaşlarynyň peýdasyna işläp ugrady. Ýeňmek ähtimallary ulyka, garşydaşlaryndan duýdansyz iki goly yzly yzyna geçirmekleri, olary maglup (ýeňilen) ýagdaýa düşürdi. We gynansakda bu hasabyň soňky ýagdaýy boldy. Emma ýygyn oýunlarynda türkmenlerden 4-0 hasabynda utulan  kese-gözliler özleriniň ussatlyklaryny bu oýunyň alan ugry esasynda subut etmegi başardylar.

 

Sudan 4 – 0 G.orta Afrika

 

Baýdak aýynyň 29-na oýnalan final hem täsin netijeler berdi. Ýygyn oýunlarynda oýnan bu toparlar 1-0 Günorta Afrikalylaryň hasabyna jemlenipdi. Emma orta-gündogar afrikalylar (sudanlylar) bu oýnuny garşylyksyz 4 gol urup jemlediler. Bu oýun netijesinde türkmenleriň ikinjilige laýykdygyna göz ýetirdik. Emma bagtymyz sudanlylar bilen ýarym-finalda duşuşmak eken.

 

TM – Wiýetnam Üçünjilik Üçin Oýnar

 

Petronas Tehniki Unwersitetinde 8 döwletden talyplaryň arasynda geçirilen çekeleşikli oýunda ýeňiji Sudan, ikinji Günorta Afrika boldy. Türkmenistan Wiýetnam bilen 3-nji orun üçin oýunlara taýynlyk görýär. Oýnuň gijikdirilmeginiň sebäbi oýunçylaryň gaty ýadaw bolmagy we 3-nji orun üçin beýle-de aýratyn baýrak ýok. Emma şu wagtdan Wiýetnamlar utuljaklaryny boýun alýarlar.

Türkmenistan 8 – 1 Eýran

Merdan Ataýew

 

Baýdak 26, 2003. Öňüräjik aýdyşym ýaly, biziň unwersitetde ‘Jahan Kubogy’ dowam edýär. Ilkinji tapgyr jemlendi. Şu hepde ýarym-final, 3-njilik we final oýunlary oýnaljakdyr.

 

Baýdak aýynyň 21ne we 22sine oýnalan ýygyn oýunlarynyň jemlenşigi:

 

 

 

Ýarym-final oýunlary:

Türkmenistan – Sudan

G.orta Afrika – Wiýetnam

Aýyň 28-ne ýarym finallar, 29-na bolsa 3-njilik we final oýny oýnalar.

Türkmenistan 2:0 Şri Lanka

Arkadag Gurbanow

 

Ýer: Aşgabat Olimpik Stadiony

Sene: 18.02.04

2006 Jahan Kubogy Aziýa Saýlanşygygynyň ilkinji duşuşygynda Türkmenistan ýygyndy komandasy Gündogar Aziýadan Şri Lankany 2:0 hasaby bilen ýeňmegi başardy.

Owganystan bilen 13:0 bolan duşuşykda (iki duşuşygyň jemi) iki gezek gol atan Guwanç Owekow bu gezegem boş geçmedi. Duşuşygyň ilkinji ýarysynyň soňlarynda ol hasaby 1:0 eden adamdy. Soňam arakesmeden 11 minut soň Wladimir Baýramow hasaby 2:0 etdi. Bu ýeňiş türkmen futbolçylarynyň türkmen halkyna goşa baýram sowgady boldy.

Şu wagt Türkmenistan 2006 Jahan Kubogy Aziýa Saýlanşygygynyň 8-nji toparda Saudi Arabistandan soň ikinji ýerde. Saudi Arabistan öz öýünde Indoneziýany 3:0 hasap bilen ýeňmegi başardy.

Turkmen.Net

Malaýziýada Dünýä Kubogy

Merdan Ataýew

 

Baýdak 19, 2004. Ýaponiýa/Koreýa 2002 Jahan Kubogyndan kän wagt geçmän telewizýon habarlarynda üýtgeşik bir habar çykypdy. “Taýlanda tussaglaryň arasynda Jahan Kubogy geçirildi” diýýärdi, we ýalňyşmaýan bolsam Orsiýet çempion bolupdy. Asyl muňa ‘Jahan Kubogy’ adyny berişleriniň sebäbi, tussag öýlerindäki dürli döwletleriň raýatlary bolan tussaglar öz döwletiniň adyndan kiçi topar emele getirip, bu futsal (ýakynda çykan kiçi futbol görnüşi) bäsleşigine gatnaşypdylar.

 

Bagyşlaň erbet mysal berenip üçin, emma meniň aýtjak bolýan ýagdaýyma iň ýakyn mysal şudy.

 

Indi biziň okaýan ÝOM-miz, Petronas Tehnologiýa Unwersitedinde geçen ýyl okaýan okuwçylaryň raýatlary 12 döwlete çykdy. Bularyň içinde goňşy döwledimiz Eýran-am 9 talyp bilen içine girýär. Türkmen talyplarynyň sany 55 töweregi, hemmesi erkek. Daşary ýurtly talyplaryň sany köpelenligi sebäpli “Halkara Talyplar Guramasy”ny (ISC), unwersitediň ygtyýarlylarynyň kömegi bilen emele getirdik.

 

Indi bu guramanyň karary bilen, bizem öz unwersitedimizde Jahan Kubogy geçirmegi karar aldyk. Şu aýyň 21-29 aralygynda geçiriljek bäsleşikde 8 topar oýnajakdyr. Türkmenistanyň iň uly garşydaşlary Günorta Afrika Respubikasynyň we Sudanyň topary bolup durýar. Olar kiçi meýdançada aňsat oýnaýarlar we ‘asla ýadanoklar’. Emma ýene-de biziň ýeňmek mümkinçiligimiz ýok däl.

 

Beýle oýunlar öňem guraldy. Emma diňe 3 döwletiň (Tkm., G.Afr., Sudan) wekilleri gatnaşýardy we uly meýdançada oýnalýardy. Soňkysynda (2002) Türkmen topary birinji, G.orta Afrika topary ikinji we Sudan üçünji bolupdy. Bäsleşikleriň maksady aramyzdaky aragatnaşygy-doganlygymyzy kemala getirip, daşary ýurtda okamagyň getirýän agyrlyklaryny ýatdan çykaryp, ýüregimizi basmak.

 

Geçen ýarym ýylda, biz türkmen talyplarynyň arasynda şeýle bir bäsleşik geçirdik. Toparlary her kimiň öz unwersitede gelen hatary bilen böldük. Örän guramaly oýnaldy, her oýun wideo-ýazga geçirildi. Ýeňiji topar 1999 hatary, ikinji 2000 hatary, üçünji 2003-nji ýylda gelen hataryň topary boldy.

 

Copyright © 1999 - 2004, All Rights Reserved

Altas News Agency & Information Center