Kitap Älemi

Täze we köne türkmen kitaplary.

"Aýnalar, Penjireler we Almalar"

06.04.2004

Hüdaýi Jan – Türkmen Edebiýatynyň Aşygy

Şu sözler bilen başlaýan "Aýnalar, penjireler we almalar" atly kitabyň awtory Hüdaýi Jan ýüz görülýän aýna bilen penjiräniň arasyndaky tapawuda ünsi çekip, adamyň hem özüne, hem-de äleme garaýşy hakynda täsin pikir öwürmelerini okyja hödürleýär.

Türkmen diliniň we edebiýatynyň aşygy, türkmen ýazyjy-şahyrlarynyň pesinden 150 töweregi eserini okandygyny aýdýan Hüdaýi Jan türkmen edebiýatynyň kökleriniň berkliginden, sagdynlygyndan söz açýar. Ol türk dilinde neşir edilen "Aýnalar, penjireler we almalar" kitabyna epigraf hökmünde türkmeniň "Şasenem-Garyp" dessanyndan:

Bize habar geldi, ýollar açykdyr,

Men Garyp men, meni ýollaň ýoluma

diýen setirleri alypdyr. Awtoryň Türkmenistanda görenlerini, başyndan geçirenlerini pursatlaryň üsti bilen özboluşly beýan edýän bu kitaby türkmene söýgüsiniň öwüşgünidir.

Sekiz ýyldan bäri Türkmenistanda ýaşaýan ýaş ýazyjy Hüdaýi Jan bu gün türkmen edebiýatyny türklere tanatmagyň yşgynda. Beýik Saparmyrat Türkmenbaşynyň mukaddes "Ruhnama", "Türkmen ilim aman bolsun", "Türkmeniň bäş eýýamynyň ruhy" atly eserlerini türk diline terjime edenleriň biri, söýgüli şahyrymyz Gurbannazar Ezizowyň şygyrlarynyň birnäçesini terjime edip, Türkiýäniň uly edebiýat ?urnallarynda çap etdiren Hüdaýi Jan Ahmet Halmyradowyň "Arafat dagy", Ylýas Amangeldiniň "Üç nokatdan biri", Hydyr Amangeldiniň "Gurruk guýy", Gurbandurdy Geldiýewiň "Gep ugry edebiýat" atly eserlerini hem türk diline terjime etdi.

Çeşme: Zaman-Türkmenistan [baş sahypa | kitap bölümi ]

Gep Ugry Edebiýat

17.03.2004

Gurbandurdy Geldiýewiň "Gep ugry edebiýat" atly kitaby türk okyjylaryna hödürlendi

Filologiýa ylymlarynyň kandidaty Gurbandurdy Geldiýewiň "Gep ugry edebiýat" atly kitaby ilkinji gezek türk okyjylaryna hödürlendi.

Kitap "Ruhnama", "Türkmen ýazuw edebiýatyna bir penjire", "Türkmen halk döredijiligi", "Edebiýat we adam" atly dört bölümden ybarat.

"Gep ugry edebiýat" kitaby barada maglumat beren alym Gurbandurdy Geldiýew kitabyň birinji bölüminiň Mukaddes Ruhnama, Türkmenistanyň Prezidenti Beýik Saparmyrat Türkmenbaşa we Görogly Beg Türkmene bagyşlanandygyny aýtdy. 2-nji we 3-nji bölümlerde türkmen halk döredijiligi we ýazuwly edebiýaty barada gürrüň berilýändigini aýdan Geldiýew kitabyň dördünji bölüminde türkmen edebiýatyna uly hyzmat eden şahyr-ýazyjylaryň, alymlaryň ýatlanýandygyna ünsi çekdi. Gorkut ata, Hoja Ahmet Ýasawy, Baýram han, Magtymguly ýaly türkmeniň beýik ogullary, şeý1e hem türkmen edebiýatynyň janköýeri Mäti Kösäýew barada giň maglumatlaryň bardygyny aýtdy.

Türkmen edebiýatynyň janly ensiklopediýasy hasaplanan Mäti Kösäýewiň öz edebiýat mugallymydygyny ýatlan Gurbandurdy Geldiýew Mäti Kösäýewiň "Gorkut ata" kitabyny 1950-nji ýylda çapa taýýarlandygyny, emma ol kitabyň çap edilmegine rugsat berilmändigini belledi. G. Geldiýew "Gorkut ata" kitabynyň Türkmenistan Garaşsyzlygyny alanyndan soň okyjylara gowşandygyny nygtady.

Çeşme: Zaman-Türkmenistan [baş sahypa | kitap bölümi ]

Altas News Agency & Information Center