Ruhnama

“Altyn asyr türkmeniň ylmynyň dünýä ýaýrajak, şöhratlanjak asyry bolmalydyr. Bizde ylmyň gapylary giňden açykdyr. Biz her bir raýatymyzyň ylymdan ýüküniň ýetik bolmagyny gazanmalydyrys. Ylym ýurdumyzda umumyhalk gyzyklanmasyna, ykbalyna öwrülmelidir. Çünki XXI Altyn asyr - ylym asyrydyr. Çünki türkmeniň Altyn asyrynyň, altyn ruhly ýaşaýşynyň gapysy - ylymdyr. Türkmeni maksat-myradyna, altyn ýaşaýşyna ýetirjek - ylymdyr.”

Beýik Saparmyrat Türkmenbaşy,
Mukaddes Ruhnama, sah.343

Ýaýlym: Nowruz 13, 2004

YLYM BAGTYŇ ÇYRAGYDYR-1

Iň oňat ylym -jemgyýete peýda getirýän ylymdyr.

Jemgyýete peýda bermeýän ylmyň hakyky ylymdygy şübhelidir. Adamzadyň islendik işiniň manysy haýyr görmekdir. Çünki nep, haýyr görmek jemgyýetçilik ýaşaýşyny üpjün etmegiň usulydyr.Alym öz ylmy bilen jemgyýetiň maddy we ruhy kämilligine hyzmat etmelidir. Eger ol bu işden çetde galýan bolsa, onuň ylmy bimanylyk, boş hem howaýy akyl satmadan başga hiç zat däldir. Ylym bilimleriň, maglumatlaryň näme üçin we kime gerekligi belli bolmadyk howaýy toplumy däldir. Şunuň ýaly ýalan ylym bir husydyň körmüş syçan ýaly yygnap, soňam gizläp goýan, il hajatyna ýaramaýan baýlygy kysmy bir zatdyr. Alym - ylym eýesi, ylym ilki ile, jemgyýete hyzmat etmelidir, diňe şu hem ylmyň eýesine hyzmat etdigidir.

Jemagatsyz ylym gury owazdyr. Alym - ylym eýesi, jemgyýet - alym eýesidir.

Adamzat jemgyýeti ylymsyz, adam akylsyz ýaşap bilmez. Allatagala baş ýaşaýyş serişdesi diýip, adama akyly beripdir. Şonuň üçin hem akyl adam ýaşaýşynda maddy, beden serişdelerinden - elden, aýakdan, zähmet guralyndan, gara güýçden soňky goşmaça serişde däl-de, olardan öňki, baş serişdedir.Akylyň müňlerçe ýyllap jemlenip, toplanmagyndan ylym kemala gelipdir. Ylym adamzadyň bir artykmaçlygydyr.

Adamy adam eden ylymdyr.

Akyl ylmyň şinesidir, zehin - tohumydyr.Ruh - adam bedeniniň ýetmezini doldurýan, adamy ululyk taýyndan dünýä barabar edýän zatdyr. Ylym bolsa ruhy kämilleşdirmegiň, amal etmegiň usulydyr.Allatagala adamdan öň jandarlara beren artykmaçlyklarynyň deregine oňa akyl berendir. Adam akyly ylym bile kämilleşdirip, ol artykmaçlyklardan hem zyýada artykmaçlyklara ýetendir. Adama ganat berilmändir, emma ylym bilen ähli ganatlylardan has ýokary galmaga akyl-paýhas beripdir. Adama aşa ýyndamlyk berilmändir, emma ylym bilen ol iň ýyndam tizligi edindi. Adama ýiti penje berilmändir, emma ol ylym bilen iň uly güýç-kuwwaty edindi. Akyl we ylym - Alla ýakynlaşmagyň mümkinçiligidir. Ylym - öz kelläňden hem ýokary bakmak mümkinçiligidir.Ylym - ýaşaýyş silinde gark bolaýjak adamyň öz saçyndan özi çekip, özüni halas etmek mümkinçiligidir. "Nähili ýaşamaly we nädip ýaşamaly?" diýen sowala jogap berip bilýän ylym hakyky ylymdyr, munuň hötdesinden gelmeýän ylym galp ylymdyr, gury öz-özüňi güýmemek, gury harajat çykarmakdyr.

Adamyň artykmaçlygy - bilmekdir. Adamyň borjy - bilmekdir.

Bilmek - dünýä akyl ýetirmek, dünýäde ornuňy tapmak we şol omnda öz-özüňi ykrar etmekdir. Gylyjyň möwriti ötdi, ýöne, hatda, gylyjyň özi hem akylyň we bilimiň önümidir. Gylyjyň möwriti ötdi diýenimde men indi gylyjy oýlaptapmak üçin ulanylan paýhasyň, gylyjy ýasamak üçin sarp edilen bilimiň başga zatlara ulanylmalydygyny göz öňünde tutýaryn.

Bilmek üç basgançakdan ybaratdyr:Sowat. Bilim. Ylym.

Bilim adamzat tarapyndan döredilen hazynadyr. Sowat şol hazynanyň açarydyr. Sowat hat, ýazuw we beýleki bilim serişdelerini özleşdirmek bilen bilim dünýäsine girmäge gapydyr. Bilim basgançagynda adam özünden öňküleriň toplan akyl genji-hazynasyny özleşdirýär, öz beýnisine siňdirýär, öwrenýär, özüniň zeruryny gözleýär, özüne geregini alýar, gerekmejegini bir gapdalda goýýar.

Öňki Ýazgylar

· 13.03.2004.Ylym Bagtyň Çyragydyr-1

Altas News Agency & Information Center