Dünýä Habarlary

Editor: Şamyrat Ýusupow

ARD 50 Ýaşynda

Nowruz 4, 2004. SSSR-iň döwründe daşary ýapyk demir perdäniň arkasyna maglumatyň syzmagy uly barlag astyndady. 1954-nji ýylda Germaniýada gelen ilkinji žurnalist Gert Rugeniň başlamagy bilen, Soýuzyň içindäki durmuş baradaky habarlary dünýä ýetirip başlady. Soňra alaman (nemes) žurnalistleri bolup ARD habar gullugyny döredýärler. Emma sensura sebäpli hemme zady jahana duýuryp bolmandygyny belleýän Gert Ruge, şol günleriň karýerasyndaky iň gyzykly geçen günleri bolnadygyny, Baýdak aýynyň 25-ne bellenen 50 ýyllyk dabarasynda belläp geçdi. KGB-niň yzarlamagy sebäpli içeridäki durmuşy daşary dünýä görkezmek üçin dürli usullar ulanandygyny dile getiren ARD işgärler, hemişe Kompartiýanyň Sýezdlerini görkezmegiň manysynyň bolmandyny hem aýtdylar. Daşary dünýä ARD arkaly Gagariniň kosmosa uçuşyny, Olimpiýada, Glasnost we Perestroýka, 91-93 agdarlyşygy ýaly wakalary yzarlamagy başarypdylar. Altas

(Hz.) Isanyň Hyjuwy

Nowruz 4, 2004. Geçen hepde Amerikanyň kinoteatrlaryna “Ysanyň Hujuwy” atly Mel Gibsonyň ýolbaşçylyk eden filmi görkezilişe girizildi. Isa pygamberiň (hrystyýan çeşmeleri esasyndaky) ömrüniň soňky 12 sagadyny göz öňüne serýär. Wagşy ýagdaýda (hz) Isanyň haja çüýlenişi we çeken zulmy barada açyk sahnalar döredilipdir. Emma muny halanlaryň bolşy ýaly hem, garşy çykanlar hem boldy. Bu filme garşy çykanlar esasan-da antihristiýan we antisemitik ýakynlaşma bardygyna jogap hökmünde režisýor Mel Gibson “Biz beýle sahnalandyrmasak, edilen pidäkärlikleriň derejesini bilip bilmeris.” Diýip jogap berdi. Mel Gibson 76-nji Akademiýa Baýraklar (oskar) dabarasyna halkdan uly ters garşylyk alaryn gaýgysy bilen gatnaşmady. Altas

Makedoniýanyň Prezidenti Uçar Bilen Düşdi

Nowruz 4, 2004. Baýdak aýynyň 29-na,Mostara (Bosniýa we Gersegowiniýa) ýygnaga barýan Makedoniýanyň prezidenti Boris Traýkowskiýniň we 9 kişilik toparynyň içinde ýer alan uçary Stoloç diýilen ýere ýakyn ýerde dagly meýdana düşdi, we ekipaždakylaryň bary ýaşaýşyny ýitirdi. Skopiadan ýola çykan president Mostarda Balkan regionynyň ýagdaýy barada ýygnak geçirmek üçin barýardy. Uçaryň heläkçilige ugramagynyň sebäbi doly belli bolmasa-da, uçuşyň ümürli howada amala aşyrylandygy anyklanyldy. Anna güni Makedoniýada milli matam güni diýilip jar edildi. Altas

Sioko Asahara Ölüm Jezasy

Nowruz 4, 2004. Baýdak aýynyň 28-ne “Aum Sinriko” wagşy propaganda toparynyň 1995-nji ýylda tussag edilen baştutany Sioko Asahara, kazyýet tarapyndan ölüm jezasy berilmegi karar alyndy. Asahara döwrümizdäki Ýaponiýanyň iň uly terrorçylygyna golyny çeken adam hasap edilýär. Garşysyna açylan kazyýet dawalarynyň arasynda 27 adamyň öldürmek, adam alyp-gaçmak we bikanun ýollar bilen ýarag ýasamak hem bar. 90-njy ýyllarda zäherleýiji madda arkaly birnäçe terrorist hereketleriň buýruguny göni Asaharanyň özi beripdi. Mundan başga-da gaz bilen zäherleme we metro terraktlary ýaly jenaýat işländikelri mälim edildi. “Rahyplarynyň” sanyň 90-nji ýyllaryň ilkinji ýarymynda 35’000-e ýetendigi anyklanyldy. Okadýan “ugry” hinduizmiň, budizmiň we hrystianlygyň gatyşygydyny metbugat belleýär. 95-nji ýylda 30 yzarlaýyjylary bilen tussag edilen Asahara we topary başda bu terraktlar bilen özleriniň hiçhili baglanşygynyň ýokdugyny aýtsalarda, soňa baka ýüze çukan aýdyň subutnamalar, Asaharanyň edendigini görkezdi. Altas

Koreýa Ýarymadasy Atom Ýaragyndan Arassalanmana Taýýynlanýar.

Nowruz 4, 2004. Hytaýyň paýtagtynda “Koreýa Ýarymadasynyň Atom Ýaraglary Meselesi Ylalaşyk” mejlisiňin ikinji tapgyry Baýdak aýynyň 29-na bolup geçdi. Metbugata resmi bir görkezme beriljek däldigi, emma Hytaýyň Demirgazyk Koreýa arza bilen ýüzlenjekdigi anyklanyldy. Günorta Koreýanyň Ýoň Nap habar gullugynyň habar bermegine görä ylalaşyk üçin taraplary arasynyň entek hem uzak, emma muňa garamazda ýakyn geljekde Demirgazyk Koreýanyň-am köpçülükleýin harabediji ýaraglardan arassalanjakdygyndan umydyň kän. Üçünji ylalaşyk tapgyrynyň baharda bolmagy garaşylýar. Altas

Altas News Agency & Information Center