|
|||||||
|
|
|
|||||
|
|
|||||||
Editor: Şamyrat Ýusupow
Gysga Analitika
Gurbansoltan 21, 2004. Sanjar aýynda geçiriljek saýlawlar üçin Buşyň
garşydaşy kandidat Jon Kerri düýn Buş hökümetiniň
Ysrailiň goldamagyna arka çykyp, indi Ysraile kömek edip ‘terorist’ Hamasy
awlamana dowam etmelidigi, Saudy araplar bilen gatnaşyklary kesmelidigi aýtdy.
Kerriniň aýtmagyna görä Saudy Arabystan terrorizme malyýe goldaw berýär.
ABŞ hökümetiniň Ysraile goldawy bilen amala aşyrylýan iň
uly ‘SYÝASY TERRORIZM’iň barlygyna göz ýumýar.
Ysraile goldaw
meselesi ganyndaky ýewreý gany bilen düşündürip bolar, emma saudylar bilen
arkalaşygy kesmek barada bir sorag ýüze çykýar. Amerika arzan nebiti
nirden satyn alar? Bu soragy soramak indiden soň manysyz bolsa gerek. Sebäbi
Amerikanyň günorta-gündogarda baý resursly topragy bar, Yrak. Indi
saudylara ‘mätäç däl’. Indi olary hem terroristleriň spisogyna goşup ýogadybermeli,
özleriçe.
Bu oýunlaryň
hemmesiniň syry bir-birden açylar. Muny wagtyň özi görkezer.
Altas
Şamyrat Ýusupow
Gurbansoltan 10, 2004. ABŞ prezindentiň Milli Howpsuzlyk
maslahatçysy Kondoliza Raýs, Alkaida howpunyň Sentýabr 11’den öň
bilinýändigini dile getirdi. Uzak wagtlap ABŞ-niň terrorçulyga
garşyduruşy kem galandygyny aýdan Raýs, Yrak meselesi
Buş-yň Sentýabr 11’den öňki meýilnamasynda ýer almandygyny hem
nygtap geçdi. Buşyň öňki terrorçulyk bilen göreş
maslahatçysy Klark, bu pajygaly wakada pida bolanlaryň
maşgalalaryndan ötünç sorady. Raýs ötünç soramady we sebäp hökmünde “Bize
terroristlerden şantaž we howp hatlary aldyk, emma olaryň haçan,
nirede we nähili çozjakdyklaryndan habarymyz ýokdy. Biz ähli höküment
organlaryna duýurdyk, emma aeroportlarda ýeke gorag gullukçylaryny köpeldildi.
Terroristleriň ýolagçy uçarlardan peýdalanjagyndan habarymyz ýokdy, ”
diýdi. Altas
Şamyrat Ýusupow
Gurbansoltan 10, 2004. Musulman ýolagçylara diskriminasiýa
(aýrymçylyk, kemsitme) dawalary bilen baglanşykly Kontinetal Eýrlaýns
‘işgärlerine ynsan hukulary dersini bermeli’ jerime jezasy aldy.
Kontinental Howaýollarynyň Sentýabr 11 wakasyndan bäri Arap,
Ortagündogarly we Musulman görünümli käbir müşderilere örän gödek hereket
edýändiklerini, iliň ortasynda
kemsidýändigi, uçardan düşürýändigi ýa-da ýerlerini çalyşdyrýandygyny
yzarlamaçylar ýüze çykardy. Bu yzarlamalar ABŞ-niň Howa Ulagçylyk
Bölümine (HUB) gelip ýeten närazyçylyklardan soň başladyldy. HUB
tarapyndan beriljek ‘ynsan hukulary dersleri’niň tölegi 500 million bolup,
Kontinental Howaýollary tarapyndan çykdaýyjylar tölener. Mundan başga-da
hakynda dawalary (kazyýet işleri) dowam edýän Northwest, American we
United howaýollarynyň hem beýle kemçilikleriniň goýberendigini
çaklanýar. Hatda has öňräk Amerikan Eýrlaýns we Ýunaýted Eýraýns, beýle
kemçilikleriň ýüze çykmagyndan soň, meňzeş jeza
hökmedilipdi. ABŞ ulagçylyk ministri Norman Mineta ‘Başa gelen
<Sentýabr 11> hem bolsa, hiçkimiň hiçkimi kemsitmäne haky ýokdur,’
diýip nygtady. Altas
Gurbansoltan 10, 2004. Yrakdaky ‘Altyn Köpri’ atly türkmen
gazetiň baş-redaktory Aly Ekrem Köprüli, Gurbansoltan aýynyň
3-ne ýarygije öldürildi. Şondan gysga wagt öň Yrak Türkmen Fronty
baştutany Dr. Subhi Saber bilen söhbetdeşlik edipdi. Bu jenaýatdan
öňem bolsa Dr. Saberiň janyna kasdediş syanşygy bolupdy.
Altas
Şamyrat Ýusupow
Gurbansoltan 10, 2004. Hindukuş dagynyň eteginde, Päkistan
serhetine ýakyn ýerde Ýaşgüni güýçli ýer titreme emele geldi. Päkistan
seismologiýa işgärleri ýertitremäniň kuwwaty 6.8 bal bolandygyny
habar berdiler. Öňem birnäçe kiçi çaýkanmanyň bolan Badahşan welaýatynda
hiçhili adamyň zeper görmändigi, emma bu gezekgi barada anyk
maglumatlaryň ýokdugyny ygtyýarlylar habar berýär. Owganystanyň uly
bölegine ulagçylygyň kynlygy sebäpli çekilýän kynçylyklara garamazdan
hökümet işgärleri derrew ýardam güýçlerini ýollady. Altas
Copyright © 1999 - 2004, All Rights Reserved
Altas
News Agency & Information Center