Dünýä Habarlary

Orsiýetden Habarlar

Şamyrat Ýusupow

Putin ikinji möhlete saýlandy

 

Bitaraplyk 10, 2003. Düýnki netijelere görä Duma saýlawlary ‘Agzybir Orsiýet’ Partiýasynyň 37.09 göterim ses almak bilen parlamentde iň köp oturgyja eýe boldy. Bu Partiýanyň ýolbaşçysy Putin, ikinji möhlete prezident saýlandy.

 

Kommpartiýa –12.67%

Liberal Demokrat Partiýa –11.61%

Rodina Blogy –9.07%

Ýabloko –4.34%

SPS –3.96%

Agrar Partiýa –3.7%

Hemmesine Garşy –4.75%

 

Türkmenistandan Orsiýetiň 3072 raýaty ilçihana arkaly ses berip, Duma saýlawlaryna gatnaşdylar.

Moskwada Partlama

 

Bitaraplyk 10, 2003. Düýn Mohowoý köçesinde bir metronuň çykyşynda, awtomobilleriň tykylşyk bolan wagtlary (sagat Moskwa sagady bilen irden 10:53) bir partlama emele geldi. 6 adam wakanyň bolan ýerinden ýaşaýyşyny ýitirdi. 13 ýaralananlaryň biri hem hassahana ýoldaka aradan çykdy. Paýtagt häkimliginiň metbugat sözjülerinden Sergeý Soý, entek hiçhili netijä gelmändiklerini, partlaýyjy maşynda ýerleşdirilendimi ýa-da binanyň gyrasynda goýulupdymy, anyk bilinenok.

Anna güni Stawropoldaky ýolagçy otlusynda-da bir özüni öldürüji partlamada 42 adam janyny ýitirdi we 150 adam töweregi ýaralandy. Türkmen baştutany B.Saparmyrat Türkmenbaşy Putine gynanç hatyny gowşurdy. Stawropolda ýasaýyşyny ýitirenleriň ýakynlaryna gynanç bildirdi, we bu terrorçulukly wakany berk ýazgardy.

 

Turkmen.Net üçin ýörite Altas HG

 

Amerikan ‘terror göreşi’ 9 owgan çaganyň janyny eýeledi

Şamyrat Ýusupow

 

Bitaraplyk 10, 2003. Düýn Talibanly diýilip şübhelenilýänlerden Molla Weziriň ýerleşendigini öňe sürülýän Gazni welaýatyna howa hüjümleri netijesinde oklanan bombalar ýaşaýan ilata zeper ýetirdi. Bularyň arasynda 9 çaga ýaşaýyşyny ýitirdi.

 

Bu waka heläkçiliklidigini, we ol ýerde çagalaryň bardygyny bilmändiklerini amerikan esgerleri dile getirse-de, BMG ygtyýarlylary beýle wakalar bilip edilsin, bilmän edilsin, tapawudy ýok,  halkyň ynamyna we parahatçylygyna palta urýandyr diýip bellediler.

 

Parahatçylygy wada berip gelen Buşuň ýolbaşçylygyndaky esgerler, terorizme göreş bahanasy bilen gaýtam özleri köp adamyň ölümüne sebäp boldy.

 

Yrak we Owgan ilatynyň 68 göterimi töweregi Buş ýolbaşçylygyndaky  goşunlaryň parahatçylykly däl-de, basybalyjykly syýasat alyp barýandygyny birnäçe aý öň düzülen pikir soraşygynyň netijesinde ýüze çykdy. Amerikanyň özüne ýeterlikli terrorist barka, olaryň awlary bu ýerdäki ýaly howadan bombalama usuly bilen bolmaýyşy, Yragyň we Owganystanyň ýaşaýyjy ilatyny sylamaýandygynyň, ‘Adam hukuklary’ hekaýasynyň ertekidiniň bir aýdyň subutnamasydyr.

 

Amerikanyň hökümmetiniň alyp barýan gizli syýasatynyň netijesinde bu iki ýurt basyp alyndy. Netijede boýun almaly, Usama Ladin, CIA gullukçysydy. We CIA-e giren aňsat aňsat çykyp bilmeýär. Ony bahana edip Owgany ele geçirildi, bigünä halka zulum edildi (hem Taliban, hem-de Buş). Edil şolar ýaly Saddam, Amerikada ýörite harby bilim alyp, watanyna gaýdyp baranda Amerikan hökümmeti ony başa getirdi. John F. Kenedy hem öz hökümmetindäki gizli guramalarynyň gurbany boldy.

 

Amerikan halkynyň 60 göterimi Buşuň alyp barýan syýasatyndan närazy. Şu wagt köp Amerikan raýatlary tarapyndan Jorj Buşy indiki saýlawda saýlanmaz ýaly çäreler alyp barýarlar. Dünýäniň sanly milliarderlerinden Jorj Soros millionlarça dolar çykaryp, Buşuň opozisiýalaryndan MOVEON.ORG-a goldaw berip, Buşuň Yrakda we Owganda gizli syýasatlary barada dokumental filmler we materiallar taýýarlatdyryp, halkyň dykgatyna hödürleýär.

 

Owganystandaky howa hüjümünden soň, indikide Amerikan goşununyň Owgan hökümmeti bilen ýakyndan arkalaşmalydygyny, wagytlaýyn hökümmet baştutany Hamid Karzaý belledi.

 

Türkmen.Net üçin ýörite Altas HG