Ylym we Bilim

Editor: Şamyrat Ýusupow

HTTU 6-njy Uçurumlaryny Berdi [Türkçe WIDEO]

Oguz 12, 2004. Türkmenistanyň ýeke-täk daşaryýurtly bolan unwersitedi Halkara Türkmen-Türkmen Unwersitedi uçurumlarynyň altynjy hataryny berdi.

Türkmenistanda 4 dilde bilim berýän Halkara Türkmen-Türk Unwersitedi altynjy hatar uçurumuny ajaýyp bir dabara bilen ugratdy.

Türkmen we türk milli gimnleri bilen başlan çykyşda uçurum talyplaryň “Baýdak Tabşyryş” dabarasynyň yzyndan Türkmenistanyň prezident Saparmyrat Türkmenbaşa ýüzlenme hat okaldy. Türkmen we türk dillerindäki aýdymlardan ybarat konsert dürli goşgy we sahna oýunlary bilen gijä reňk berdi.

Türkiýäniň doly-ygtyýarly ilçisi Mämmet Bahatdin Gürsöz bilen türkmen ygtyýarlylarynyň ýany bilen Türkiýeden giden myhmanlaryňam gatnaşan dabarasy, okuwuny birinjilik bilen tamamlan talyplaryň plaket kakmagy bilen ahyrlandy.

Halkara Türkmen-Türk Unwersitedi 1994-de döwrüniň [Türkiýede] premýeri Tansu Çiller we Türkmenistan baştutany Saparmyrat Türkmenbaşy tarapynda açylyp hyzmata girizilipdi. Samanýoly TW

Wideo: Samanýolu Habarda HTTU-nyň Uçurum Dabarasy

HTTU: http://www.ittu.edu.tm

II HKPO-da Türkmenler Ýene Birinji Boldy

Şamyrat Ýusupow

Magtymguly 1, 2004. Bilim Ministirligi, Halkara Türkmen-Türk Unwersitedi we Başkent Bilim Merkeziniň gurnamagy esasynda paýtagt Aşgabatda II Halkara Kompýuter Proýekt Olimpiadasy geçirildi.

Bu olimpiada Awstriýa, Awstraliýa, Ýaponiýa, Türkiýe, Bolgariýa, Kenýa, Nigeriýa, Rumyniýa, ABŞ, Päkistan, Taýwan, Moldawiýa, Gruziýa, Häzirbegjan wşm-dan okuwçy toparlar öz taýýarlan proýektleri bilen gatnaşdylar.

Resmi bolmadyk çeşmeler esasynda 1-njilik baýragyna laýyk bolan Büzmeýin Türkmen-Türk Mekdebi okuwçy toparynyň “Webhospital” (Web Hassahana) proýektidigini habar aldyk. Ikinji bolan proýektiň Nigeriýaly okuwçylara, üçünjüligiň hem başga bir türkmen okuwçy toparyna degişlidigini habar alsak-da, entek bu baýraga laýyk bolan toparlar we proýektler barada aýratynlar elimize geçmedi.

Bu bäsleşikde aýratyn ünsi Owganystan özüne çeken goňşy Owganystanyň okuwçy toparynyň alan 4-nji orny bolsa gerek.

Olimpiadanyň netijeleri barada maglumatlary ýakynda elimize geçende size habar bereris. Altas

Ynamly Daşary Ýurt ÝOM-lary Barada Maglumat Berilmeli

ŞÝ

Nowruz 15, 2004. Prezident Saparmyrat Türkmenbaşy, Bilim Ministri M.Saryhanowa ynamly daşary ýurtly ýokary okuw mekdepleri barada maglumat bermegini tabşyrdy. Türkmenistan tarapyndan haýsy ÝOM-laryň diploamlarynyň kabul edilýändigi barada maglumaty bolmadyk käbir raýatlarymyz örän gynandyryjy netijelenen ýagdaýlara sezewar bolandyklaryny dile getirdi. Mundan başga-da käbir şübheli, ynamly bolmadyk bilim edaralarynyň ýalan diplomlary berýän halatlarynyňam bolýandygy aýdyldy. Altas

Altas News Agency & Information Center