Syýasat, Kanun, Döwlet,
Adalat, Halkara Gatnaşyklar

Türkmenistan Malaýziýanyň Ilçisiniň Ynanç Hatyny Kabul Etdi

Gurbansoltan 16, 2004. Malaýziýanyň adatdan daşary we doly ygtyýarly ilçisi Ahmad Mohtar Selat Türkmenistan Mejlisi başlygy jp. O. Ataýewe ynam hatyny gowşurdy. Mejlis başlygy ilçini Türkmenistanyň alyp barýan syýasatyny ugry bilen tanyşdyrdy. Açylan ilçihana iki döwletiň arasyndaky ykdysady we jemgiýetçilikli gatnaşyklaryň kämilleşdirjekdigi, nebit-gaz sebitinde Türkmenistanda iş çalyşýan Malaýziýanyň Petronas firmasyna we Malaýziýada okaýana onlarça Türkmen talyplaryna uly goldaw boljakdygy nygtalyp geçildi. Ilçi Malaýziýanyň Soltany Tuanku Saed Sirajuddin Putra Jalulailiň tassyknama hatyny prezident Nyýazowa gowşurdy. Altas

Işini Bitirmedik Ministirler Prezidentden Duýduruş Aldylar

Gurbansoltan 16, 2004

Türkmenbaşy Malyýe Ministrine Käýedi

Türkmen baştutany Saparmyrat Türkmenbaşy Malyýe ministri Kakalyýewi raýatlaryň aýlyklaryny wagtynda tölemeýämdigi üçin berk käýedi, we soňky duýduruş berýändigini aýtdy. Türkmenhaly we beýleki edaralarda wagtynda tölenmedik aýlyklar sebäpli turan dawa-jenjelleri nygtap “Näme üçin bu zatlar menden gizli tutuldy? Näme üçin hiçkim gelip maňa bir agyz aýtmady? Näme üçin ýurt baştutany wagtynda habardar edilenok?” diýdi.

Resmi bolmadyk çeşmelere görä Daşoguz welaýatynyň Türkmenbaşy etrabynda 9 aý bäri aýlyk almadyk halk gazaplanyp, häkimlik binasyny gurşap, binany daşlap aýnalary döwüpdirler. Mundan başga etrabyň hassahanasynyň ýanynda bir binanyň oda berilendigi resmi bolmadyk çeşme habar berýär. Türkmenbaşy etrabynyň döwlet edaralarynda işleýän 9 aý bäri aýlygy tölenmedik raýatlaryň 3 aýlyk töleginiň şol bir badyň özünde, galanynam iň gysga wagtyň içinde tölenmegi merkezi ýolbaşçylyk tarapyndan berk tabşyryldy. Bu galma-galyň yzyndan töwerekdäki etraplarda-da aýlyklaryny uzak wagtlap almadyk raýatlar-am alyp başlanandygy habar berilýär.

Söwda Ministri Tassyklanmadyk Eksport Üçin 2 Aýlyk Jerime Tölär

Söwda we daşary ykdysady gatnaşyklar ministri Çarymämmet Gaýybow Ministirler Kabinetiniň tassyknamasyny alman daşary ýurtlaryň birine 20’000 tonna demir satany üçin, we mundan başgada ministirligindäki tabşyryklary we borçnamalary doly ýagdaýda ýerine ýetrimänsoň, prezident Türkmenbaşy berk käýedi we iki aýlyk töleg hakyndan mahrum etmek barada karar aldy. Altas

EBRD-dan Soň ÝUNISEF we OSCE Türkmensitanda

Gurbansoltan 16, 2004. ÝUNISEF Region wekili Juan Aguilar türkmen ygtyýarlylary bilen gürrüňdeşlik üçin aýyň 8-9-na paýtagt Aşgabada resmi saparda boldylar. Türkmenistandaky ÝUNISEF proýektleriniň amala-aşyrylyşy baradaky mazmuny görkezmeler ara-alynyp maslahatlaşyldy.

OSCE edara ýolbaşçysy Dr. Solomon Passiniň Merkezi Aziýa saparynyň aýagynda (ahyrynda) Türkmenistanyň prezindenti bilen duşuşdy. Ikitaraplaýyn gatnaşyklaryň ýitilendirilmegi üçin şertnamalaryň gaýtadan ýazga geçirlimeginiň ähmiýetiniň üstünde durup geçildi. Türkmenistandaky ynsan hukuklary we demokratiýasy baradaky ösüşi yzarlamak we berkitmek iki tarapyňam ylalaşan nokady.

OSCE-den 3 gün öň EBRD topary Aşgabatda bak işgärleri üçin 4 güni seminar gurnady. Seminarda bankalryň halkara standartlary, Türkmenistandaky banklaryň hyzmatlarynyň giňeldilmegi, öňünde çykýan kynçylyklary ýeňmegiň çäreleri barada gürrüň berildi. Altas

NATO Ylalaşygy Bitaraplyga Ters Däl

Gurbansoltan 16, 2004. Ýaňy ýakynda Türkmenistanyň Gorag Ministirligi metbugata ýazgyly düşündüriş haty ýaýratdy. Düşündürişe görä NATO-nyň Parahatçylyk üçin Arkalaşyk strukturasy assynda Türkmenistanyň bilen 2004-5 IPP (Ýekelikde Arkalaşyk Programmasy)-a gol çekmegi, Türkmenistanyň Bitaraplyk Statusy bilen utgazmaşlygynyň ýokdygy aýdylýar. Bu ylalaşyk Türkmenistanyň NATO-ny parahatçylykly guramadygyny tanaýandygyny, bu ugur bilen goňşy we arkadaş ýurtlaryna Türkmenistanyň ynamly ýurtdygyny tanatmak maksatlanýar. Hiçhili halkara harby we goşun ulgamlaryna goşulmak niýetiniň ýokdygyny, hiçhili tarap tutmaýandygyny barada bu hatda doly düşündüriş getirilýär. Altas

Öňümizdäki Halk Maslahaty Iki Ýerde Bolar

Gurbansoltan 16, 2004. “Milli ruhy galkynyşymyz baradaky meseleri öňümüzdäki güýzde geçiriljek Halk Maslahatynda ara alyp maslahatlaşarys we çözgüt ýollaryny tapmana çalyşarys,” diýen prezident Türkmenbaşy sözüni dowamynda “Biz öňünçä Gypjakda soňam Aşgabatda Ruhyýet Köşgünde maslahatlaşmaly,”diýdi. Şu wagt Halk Maslahatynyň halkdan saýlanan 2507 agzasy bar. Altas

Bişkek we Tehran Delegasiýasy Düzüldi

Gurbansoltan 16, 2004. Biri Bişkekde, beýlekisem Tehranda geçjek möhüm ýygnaklar gatnaşmak üçin Türkmenistan delegasiýa toparlary düzüldi.

Gurbansoltan 17-18 aralygynda Tehranda geçjek söwda-ykdysady duşuşyk üçin türkmen hökümet topary düzüldi.

Beýleki topar hem bolsa Gurbansoltan 15-16 aralygynda geçjek GDA maslahatçy ýygnagy üçin düzüldi. Altas

Altas News Agency & Information Center