Sport Habarlary

Hormatly Okyjylarymyz!

Nokat Bölümümizde (www.nokat.tk) Jahan Kubogy’2006 bölüminde ýygyndy toparymyzyň Jahan Kubogy saýlanşygynda gelip biljek nokatlary, aljak orunlary, oýnaşy hili, wşm zatlar barada makalalar, analizler, pikirler ýaýymlanýardyr.

Bölüm herkime açykdyr. Öz pikirleriňizi bize ýazyp bilersiňiz.

Altas Topary

“Türkmenbaşy Cup 2004”-a Nisa Topary Mynasyp Boldy

Şamyrat Ýusupow

Baýdak 21, 2004. Baýdak Baýramynda Aşgabadyň Köpetdag stadionynda geçen Türkmenbaşy Kubogynyň final oýnunda türkmenistanly Nisa topary örän çekeleşikli ýagdaýda 3:2 hasap bilen ýeňmegi başardy. 20’000 adamyň tomaşa eden oýnynyň hasabyny gruziýaly Alekseý Koşkadze 19-nji minutda açdy. Jogap ikinji ýaryma çenli gelmedi. Ahyry 56-nji minutda hasaby Rejepmyrat Agabaýew deňlemegi başardy. Georgiý Darsadzeniň 73-nji minutda uran goly bilen gürjiler öňe geçdi we türkmen tomaşyjylary aljyraňly ýagdaýa girizdi. Emma 3 minut geçmänk-ä gruziýaly oýunçynyň goýberen ýalňyşy sebäpli emin Nisalylara 11-metrlik jerime uruşyna hukuk berildi. We ýyldyz ussadymyz Didargylyç Orazow pursady deňlemek üçin ulanmagy başardy. Emma munyň bilen galmady, 81-nji minutda emin ýene bir 11-metrlik jerime zarbasyna hukuk berdi. Ýene-de Didargylyjyň jerime depşinden garşydaşynyň derwezesine salmagy üstünlikli amala aşyrandan soň türkmenler öňe çykdy we oýunyň soňuna çenli hasap üýtgemedi. Bu Nisanyň Türkmenbaşy Kubogynyň 3-nji gezek eýeleýişidir (1999, 2003, 2004). Ýeňijiler 20’000 amerikan dollary, ikinji bolan topar (Torpedo) 10’000 dollar, üçünjä (Worskle) 5’000 dollar baýraga mynasyp boldylar. Altas

Türkmenleriň Nobatdaky Şri-Lanka Ýeňişi; 2-0

Gaýgysyz Garaýew

Baýdak 19, 2004. Düýn paýtagt Aşgabatda oýnalan Jahan Kubogynyň KONKAF (Aziýa Futbol Guramasy) saýlanşygynyň ikinji tapgyrynyň 8-nji ýygyndaky Türkmenistanyň we Şri Lankanyň ilkinji oýuny oýnaldy. Netije Türkmenleriň 2-0 ýeňişi bilen gutardy. Ilkinji gol ilkinji ýarymyň 40-njy minudynda ýyldyz oýunçymyz Guwanç Öwekow, iknji gol ikinji ýarymyň 56-njy minudynda Wladimir Baýramow, garşydaşlarynyň derwezesine girizmegi başardy. Bu ýygynyň beýleki oýuny saudylaryň indonezleriň üstünde 3-0 ýeňişi bilen jemlendi.

Türkmenistanyň nobatdaky oýny Indoneziýa bilen Gurbansoltan aýynyň 31-ne oýnaljakdyr.

Şu gün paýtagt Aşgabatda Türkmenistanyň Nissa topary bilen, gürji topary Torpedo bilen “Türkmenbaşy Kubogy” nyň finaly oýnaljakdyr. Altas

Türkmenbaşy Kubogy Finaly 19-na

Gaýgysyz Garaýew

Baýdak 17, 2004. Her ýyl Baýdak Baýramyna we prezindentimiziň doglan günine bagyşlanyp geçirilýän Türkmenbaşy Kubogynyň finaly Sogap güni Aşgabadyň ‘Köpetdag’ stadionynda oýnaljakdyr. Ertir, ýagny Hoş Güni Türkmenistanyň ýygyndy toparynyň Şri Lanka bilen Jahan Kubogyna saýlanşýk oýny bar. Türkmenbaşy Kubogynyň soňky netijeleri Turkmenistan.ru-da 15-ne habar bermegine görä şeýledir:

Ýygyn A

Kutaisa 1:0 Nebitçi

Worskla 1:0 Abusalim

Torpedo 2:0 Worskla

Nebitçi 2:2 Abumuslim

Ýygyn B

Lokomotif 2:3 Awiator

Nissa 2:0 Flora

Lokomotif 1:0 Flora

Nissa 2:0 Awiator

A Ýygynyndan finalda oýnamana Gürji topary Torpedo hukuk gazandy. B Ýygynynda bolsa entek belli däl, emma Nissa türkmen toparynyň Moskwaly Lokomotif bilen deňe-deň oýnamagy ýeterlikdir. Mundan başga-da, Orsiýet baştutany, Jenap Wladimir Putin Türkmenbaşa doglan güni bilen gutlap hat ugratdy. Altas

Altas News Agency & Information Center