Metbugat, Ýaýlymlar, Magaryf

Täze Kanal Üçin Tender (Iş Bäsleşigi) Yglan Edildi

Şamyrat Ýusupow

 

Baýdak 17, 2004. Türkmenistanyň aragatnaşyk ministirligi daşary ýurt şereketlerine we ýaýlym toplumlaryna, täze kanal barada teklip bäsleşigini yglan etdi. Prezident tarapyndan berilen görkezme esasynda, alty dilde ýaýlym edilmegi meýillenilýän bu kanalyň, studýa enjamlaşdyrylmagy, hemra arkaly ýaýlym üpjünçiligi, ýaýlym enjamlarynyň hödürlenmegi göz öňünde tutljakdyr. Tender Baýdak aýynyň 24-ne çenli dowam etjekdir. Altas

Täze Telewizýon Ýaýlym Kanaly

Şamyrat Ýusupow

 

Baýdak 13, 2004. Türkiýäniň Jahan Habar Gullugynyň (Cihan Haber Ajansi) habar bermegine görä, Türkmenbaşynyň görkezmesi esasynda täze türkmen teleýaýlym kanalynyň açylmagy üçin gerekli enjamlary we serişdeleri satyn almagy Aragatnaşyk Ministrine tabşyrdy. Bu ýaýlym kanaly Ors, Iňlis, Fransuz, Hytaý, Pars we Arap dilleri bolmak bilen, 6 dilde ýaýlym gepleşikleri hödürlär. Türkmenbaşy, Aşgabatda Türkmen Miras Merkeziniň açylyş dabarasynda “Biz örän uly işler bitirip, ösüşlere eýe bolýandyrys. Dünýä muny bilmelidir!”, diýip nygtady. Aragatnaşyk ministri jenap Resulberdi Hojagurbanow 20 gün içinde gerekli enjamlary satyn almak bilen wezipelendirildi. Altas

Kitap: “Aşgabatda Terrorçylykly Hereket”

Şamyrat Ýusupow

 

Bitaraplyk 18, 2003 – Geçen 2002-nji ýylyň, Sanjar aýynyň 25-ne, Türkmenistanyň Prezindentiniň janyna kast ediş synanşygynyň netijesinde tussag edilenleriň arasynda ukrain asylly, amerikan raýaty, žurnalist Leonid Kamarowskiý hem bardy. Onuň “Aşgabatda Terrakt” atly kitaby, ‘Ruh’ neşriýaty öýi tarapyndan neşredildi. Neşriň sany 1000 ekzemplýar. Kitap ‘Sanjar 25’ wakasy barada giňişleýin maglumat berýär. Bu kitaby ýazmagy, jenap Kamarowskiý tussag edilen bäş aý soň boşadylyp, amerikan hökümmetiniň eline tabşyrylan mahalynda söz beripdi. Altas

 

“Ýaşaýyş Üçin Faktlar”yň Tanadylyşy Ýaýraýar

Şamyrat Ýusupow

 

Bitaraplyk 20, 2003 – Türkmenistanyň Saglyk we Derman Önümçülik Ministirliginiň ÝUNISEF we BMG wekilleriniň arkalaşygy bilen “Ýaşaýyş Üçin Esaslar”yň milli görnüşüni neşretdiler. Hossarlaryň we eneleriň çagalaryna seretmäne, kynçylyklaryň hötdesinden gelmäne ýol görkezýän ‘Ýaşaýyş Üçin Esaslar’ habarçalardan (message) yabarat eserleriniň dünýäde 15 milliondan gowrak nusgalary dürli dillerde bardygy mälim. Içinde iň köp gerekli we esasy ýüze çykýan ýagdaýlaryň çärelerini, suratlandyryp we oňat şekilendirip düşündürýän, yzarlamaly ugurlary dile getirýän 13 baplyk bu eser, gerek şahsyýetler bilen türgenleşikli ýagdaýda, gerek bolsa metbugat arkaly halka ýetirilmegi, her ýyl howply ýagdaýa sezewar bolýan müňlerçe çagalaryň ýaşaýyşyny, tygşytly we täsirli ýol bilen halas etmäne ugur döretmegi üçin zerurdyr. Altas