Saglyk Habarlary

Guş Gribine Garşy Halkara Göreş

Şamyrat Ýusupow

Türkmenbaşy 31, 2004. Geçen ýylyň ahyrynda giňden ýaýrap ýüze çykyp başlan “influenza” wirusy, ýa-da halk dilinde “guş gribi”, şu wagta çenli 6-a golaý adamyň ýaşaýyşyny ýitirmegine ýol açdy. Hytaýdan ýaýrap çykandygy takmyn edilýän bu keseliň şu wagta çenli iň ýaýgyn görülen ýeri, Wiýetnamyň demirgazyk böleginde, paýtagt Hanoi-a ýakyn bir ýerdigi metbugat tarapyndan habar berilýär. Dünýä Saglyk Guramasy (DSG) we beýleki halkara guramalar munyň öňüni almak üçin çalt çäre görmek barada çakylyk etdiler. Dünýäniň köp döwletleri millionlarça kesel towuklary wirus şübhesi bilen öldürdiýärkä, käbirleri towuk importlaryny duruzmak bilen ýetinýär. Gowurylan towuk naharlaryny satýan Amerikan restoranlary bolan Kentucky Fried Chicken (KFC)-niň Wiýetnamdaky filiallary towugyň ýerine balyk satjakdygyny metbugata ýetirdi. Wirusdan seresap bolmak üçin towuklaryň keteklerine girmezden öň, fermerlere ellikli we sanitar maskalar bilen girmegi we towugyň iýmitiniň saglyklylygyna we arassalygyna üns bermegi DSG tarapyndan berk maslahat berilýär.

Türkmen.Net üçin ýörite Altas HG

Amerikada Guduz Sygyrlar

Şamyrat Ýusupow

Bitaraplyk 30, 2003. ABŞ-de satylýan uly şahly mallaryň etlerinde guduz wirusy tapyldy. Şu wagt Amerikadan et import edýän döwletler wagytlaýynça karantine girdiler we importy duruzdylar. Amerikan ygtyýarlylary bu keseliň Kanadadan gelendigini we şu wagt süri sygyrlaryna ýokaşýandygyny habar berdiler. Emma Kanadanyň Saglygy Goraýyş Gullugy sygyryň Kanadandygyna subutnama ýokdugunu, bolaýanda-da ýokanç keseli Kanadada eýeländigi belli däldigini nygtady. Ekspertler sygyryň ýokançly iýmitden guduzlan bolmagy mümkindigini aýtdylar. Sygyryň gelen ýeri, sürisi we iýen iýmitleri yzarlanylýar. Amerikadan geçen hepde imortuny duruzan döwletler Ýaponiýa, G.orta Koreýa, Awstraliýa, Taýwan, Singapur, Malaýziýa, Orsiýet, Meksika we Hytaý.

Türkmen.NET üçin ýörite Altas HG

Çilime Garşy Konferensiýa

Şamyrat Ýusupow

Bitaraplyk 22, 2003. Dünýä Saglyk Guramasynyň (WHO) hemaýatkärçiliginde guralan, Bişkekde geçirilen regional tabako meselesi baradaky konferensiýa Türkmenistandan wekil hökmünde jenap Bäşim Sopyýew gatnaşdy. Koneferensiýa Täjigistan, Gyrgyzystan, Gazagystan, Özbegistan we Türkmenistan aktiw ýagdaýda gatnaşdy. Orsiýet wekilleri myhman hökmünde yzarlamana geldiler. GDA-daky çilim endiginiň köpelmeginiň esasy sebäbi globallaşma, erkin söwda ýaly serişdelerdigini, emma iň esasy sebabi, dünýäniň iň atly çilimleriniň-em örän arzan bahadan tapyp bolýandygy netijesine baryldy.

Türkmenistanyň çilime garşy göreş boýunça gysga taryhy:

-1998: Çilim mahabatlary gadagan edildi

-1999: Bilim edaralary we okuw jaýlarynda çilim çekmek gadagan edildi

-2000: Jemgyýetçilikli ýerlerde çilim çekmek gadagan edildi

-2001: Howpsuzlyk ýagdaýlary üçin awtomaşyn sürüjülerine maşyn sürýän mahalynda çilim çekmek gadagan edildi

Altas

“Ýaşaýyş Üçin Faktlar”yň Tanadylyşy Ýaýraýar

Şamyrat Ýusupow

Bitaraplyk 20, 2003 – Türkmenistanyň Saglyk we Derman Önümçülik Ministirliginiň ÝUNISEF we BMG wekilleriniň arkalaşygy bilen “Ýaşaýyş Üçin Esaslar”yň milli görnüşüni neşretdiler. Hossarlaryň we eneleriň çagalaryna seretmäne, kynçylyklaryň hötdesinden gelmäne ýol görkezýän ‘Ýaşaýyş Üçin Esaslar’ habarçalardan (message) yabarat eserleriniň dünýäde 15 milliondan gowrak nusgalary dürli dillerde bardygy mälim. Içinde iň köp gerekli we esasy ýüze çykýan ýagdaýlaryň çärelerini, suratlandyryp we oňat şekilendirip düşündürýän, yzarlamaly ugurlary dile getirýän 13 baplyk bu eser, gerek şahsyýetler bilen türgenleşikli ýagdaýda, gerek bolsa metbugat arkaly halka ýetirilmegi, her ýyl howply ýagdaýa sezewar bolýan müňlerçe çagalaryň ýaşaýyşyny, tygşytly we täsirli ýol bilen halas etmäne ugur döretmegi üçin zerurdyr. Altas

Altas News Agency & Information Center