Sport Habarlary

 

Şri Lanka Ýygyndysy Bilen Ýene Bir Garşylaşyk

Baýdak 2, 2004.

 

Aşgabat. 2006-njy ýyl Jahan Kubogy saýlanşygynyň ikinji tapgyrynyndaky 8-nji ýygynyndaky Türkmenistanyň açylyş oýuny, “Köpetdag” stadionynda Şri Lankanyň garşysynda oýnajakdyr. Bu barada ülkäniň futbol guramalary habar berdi.

 

Oýuny Arap Emiratlaryndan yzarlajak eminler topary: FIFAnyň resmi emini AL Bannaýe Abdylla Halil, ýardamjy eminler Mahlul Ali, Al Homadi Naser we ätiýaç emin Muhammed Salyh Emin. Emin inspektory hökmünde Serdar Najafalyýew (Özbegistan) bellenildi. Oýunyň komissary hökmünde Gyrgystan Respublikasynyň Futbol Federasiýasynyň umumy orunbasary Gylyçbeg Berdibekow bellenildi.

 

Bu Türkmenistanyň Şri Lanka bilen eýýam 3-nji halkara duşuşygy bolar. Öňki oýunlar geçen ýylyň Sanjar aýynda iki ýygyndy toparyň, Aşgabatda jemlenen Aziýa Kubogy-2004 saýlanşyk oýunlary, türkmenleriň üstünlügi bilen jemlendi -10: we 3:0.

 

Türkmenistan we Şri Lanka bilen bilelikde 8-nji ýygynda, Saudy Arabystan we Indoneziýa milli ýygyndy toparlary hem ýer alýar. Kadalar esasynda ýygyndy toparlar iki oýundan oýnarlar – biri öýde, biri myhmançylykda. Ikinji tapgyrdan indiki tapgyra diňe ýygynyň ýeňijisi çykmana hukuk gazanar. Türkmen Döwlet Habar Gullugy (TDH)

 

Aziýa Kubogy Bölnüşügi Belli BOldy
Gaýgysyz Garaýew

 

Turkmenbaşy 16, 2004 - Hytaýda geçiriljek Aziýa Kubogy ýygynlary düýnki bije atyşygy netijesinde belli boldy. Biziň ýygynymyz (gruppamyz) ikinji 'ölüm gruppasy' diýse boljak.  Ýygynymyzda Özbegistan, Saudy Arabystan we Yrak bar. Ilkinji oýun Gorkut aýynyň 18-ne Saudy Arabystan bilen oýnaljak. Ol wagta çenli ýygyndymyzyň Jahan Kubogyna saýlanşyk oýunlar bolup biler. ALTAS HG, Türkmen.NET

Aziýa Kubogy Bölnüşügi Ýakynda

Şamyrat Ýusupow

 

Türkmenbaşy 2, 2004. Hytaýda geçiriljek 2004-nji ýyl Aziýa Kubogy üçin saýlanşygy geçen toparlaryň ýygynlara (gruppalara) bölünşügi Türkmenbaşy aýynyň 15-ne Çoňkiň şäherinde bolar. 2004 Gorkut 17 – Alparslan 7 aralygyndan oýnaljak oýunlara jemi 16 topar gatnaşýar. Öý eýeleri Hytaý, we çempionlygyny gorap gelýän Ýaponiýa ýygyndy toparlary göni gatnaşar. Beýleki 14 topar bolsa, saýlanşyk esasynda oýnamana hukuk gazanan toparlardyr. Şeýlelikde bije şu toparlaryň arasynda atylar:

 

Hytaý

Ýaponiýa

Özbegistan

Taýland

Kuweýt

Katar

Saudy Arabystan

Indoneziýa

Iordaniýa

Eýran

Oman

G.orta Koreýa

Irak

Baheýn

Türkmenistan

Birleşik Arap Emirlikleri

 

Dört ýygyna bölünip, her ýygynda jemi topar bolar. Kuboguň geçjek şäherleri: Çoňkiň, Çeňdu, Jinan, Pekin.

Türkmen.NET üçin ýörite ALTAS HG

Jahan Kubogyna Saýlanşygyň 2-nji Tapgyry

Jahan Kubogy Aziýa Saýlanşygygy Belli Boldy

 

Gaýgysyz Garaýew

 

Türkmenbaşy 16, 2004. Şwesiýada düýn gije atylan bijelerin netijesinde Aziýa toparlaryny saýlanşyk toparlarynyň gruppalary belli boldy. Türkmenistan sekizinji gruppada oýnar. Ikinji tapgyrda öý-myhman şeklinde oýnalyp, gruppalaryň birinjileri göni 3-nji tapgyra çykar. Üçünji tapgyrda bolsa iki ýygyndy toparly iki gruppa 2 oýundan oýnar, iň  öňdäki iki topar Jahan Kubogyna gatnaşmana hukuk gazanar. Iki sany üçünji toparlar öz aralarynda oýnap, CONCAF-yň saýlanan topary bilen oýnar. Sekinji gruppanyň düzümi:

1.Türkmenistan

2.Saudy Arabystan

3.Indoneziýa

4.Şri Lanka

 

Altas Sport

Türkmenistan 3 – 0 Siriýa

Şamyrat Ýusupow

 

Bitaraplyk15, 2003. Başgüni. Bitaraplyk aýynyň 3-ne geçirilen  Türkmenistan – Siriýa gaýtargy oýny üçin Aşgabada gelmedik Siriýanyň toparyna Aziýa Futbol Konfederasiýasy 3 – 0 maglubyýet ýazga geçirdi. Siriýa Aziýa Kubogyna çykyp bilmändigi üçin, Aşgabada gitmäne çykdyýyjy etmejek bolan bolmagy mümkin. Milli ýygyndy toparymyzyň bu hasabyň peýdasy bilen gruppada birinjilige çykdy we Arap Emiratlaryny 1 bal bilen geçdi.

TKM – 14

AEM – 13

SIR – 7

SRL – 0

 

Türkmen.Net üçin ýörite Altas Sport

Türkmenistan Hyataýa Gidýär

Şamyrat Ýusupow

 

Sanjar 29, 2003. Ruhgün. Damaşk. Anna güni agşam Siriýanyň paýtagyndan geçirilen oýunda milli ýygyndygymyz 1-1 hasap bilen deňbe-deň hasaby jemledi.

 

Oýun aýyň 21-ne oýnalmalydy emma, ol töwereklerde biziň ýygyndygymyzyň uly bölegi Jahan Kuboguna taýýynlyk Owganystan oýunlary bilen meşguldy. Şol sebäpli Siriýa oýuny 28-ne geçirildi. Öýümüzde 11-0 we daşarda 2-0 hasabynda ýeňmegi başardyk. Ikinji oýunyň iki golam soňky minutlarda uruldy. Görnüşine göra türkmenler owganlaryň ruhuny düşürmän, oýunyň ahyryna çenli deň hasabyň tagamyny alsynlar diýen ýaly.

 

Hytaý Aziýa Kubogyna taýýynlyk Siriýa oýuny barada www.asian-football.com –yň habar bermegine görä:

Ilkinji gol Siriýaly oýunçy Anas Sari-nyň 10-njy minutdan boldy. Emma bu şatlyk 6 minudy geçmäne ahyrlandy. Didargylyç Orazow ussatlyk bilen ýarym meýdançadan Maher Sayed-iň aýagyndan alan topy ähli goragçylarylary ussatlyk bilen aldap, derwezewan Muhammed Beirutä hasaby deňlemegi başardy.

 

Ussat derwezewanymyz Ýewgeniý Naboýçenko birnäçe Siriýalylaryň pursadyny yzyna gaýtaryp, hasaby goramagy başardy.

 

Siriýa öz öýündäki oýundan peýdalanyp bilmedi we her iki tarap hem 1 bal alyp, gruppada birinji ýer BAE – 6 oýunda 13 bal, TM – 5 oýunda 11 bal, Siriýa – 5 oýunda 7 bal we Şri Lanka – 6 oýunda 0 bal. Türkmenistan Hytaýda geçiriljek Aziýa Kubogy’2004 –de gatnaşar. Bu Türkmen halky üçin örän şatlykly gün.

 

Ýewropada oýnaýan Jahan Kubogy’2002 üçünji orun eýeleri, Türkiýe topary Ýewro Kubogy’2004 üçin saýlanşykda çykyp bilmedi, emma Aziýada oýnaýan türki ýygyndylardan 2si ahyrky saýlanşyk oýunlarynda örän üstünlükli netijeler emele getirdi. A gruppasynda oýnan Özbegistan 6 oýunda 13 bal jemlemegi başardy we gruppadan 1-nji bolup çykdy.

 

Türkmenistan-Siriýa matçynyň gaýtargysy bugün (Ruhgün, Sanjar 29 güni)  paýtagt Aşgabatda geçiriler. Milli ýygyndy toparymyza uly üstünlükler dileýäs. Altas

Türkmenistan 11 – 0  Owganystan

Şamyrat Ýusupow

 

Sanjar 21, 2003, Ruhgün – Germaniýada geçiriljek 2006 Jahan Kupogyna saýlaw oýunlarynyň ilkinji tapgyrynyň birinji oýnuny Ýaşgüni, milli ýygyndy toparymyz paýtagt Aşgabatda Owganystan bilen oýnady. 21 ýyllyk iç syýasatlarynyň gurbany bolup, sportuň we sungatyň hiçhili pudagynda dünýä açylyp bilmedik Owgan tarapy, milli toparymyzyň uran gollaryndan gaçyp bilmediler.

 Oýunyň ilkinji ýarymy 6-0 hasaplanyp, galan 5 gol ikinji ýarymda uruldy. Iki sany ‘hät-trik’(3 gol uran) oýunçylarymyz Begenç Gulyýew we Rejep Agabaýew. Beýleki gollary tora salmagy başaran ýyldyzlarymyz Guwanç Owekow(2), Nazar Baýramow, Omar Berdiýew we Muslim Agaýew. 

Owganystanly jan köýer Türkmenbaşy Olimpiada Stadionynyň belli bir bölegini tutsa-da, bu olara gaty kömek etmedi. Owganystanly Başer Ahmed Sandal iki gezek sary kart alan soň oýundan daşary edildi.

 Ýaş ýygyndy toparymyz Hytaýda Geçiriljek 2004 Aziýa Kubogynda şu wagt bir oýun kemligi bilen gruppada ikinji ýerde gelýär. BAE 5 oýunda 10 baly bar, TM 4 oýunda 10, Siriýa 4 oýunda 6 we şu wagta çenli hiç bal ýygnamadyk Şri Lankanyň 5 oýuny geçdi we gruppa synagyndan geçip bilmedi. Biziň gezekki oýnumy Siriýa bilen olaryň öýünde şugün, Sanjar 21, 2003-de sagat Damaşk sagady bilen 14:30-da boljakdyr.

 Biziň gruppadan abraý bilen çykmak mümkinçiligimiz bar, emma biziň toparymyz goragçy hilli oýnaýandygyny göz önunde tutsak Siriýanyň garşysynda ýagdaýymyz kyn, sebäbi Siriýa Şri-Lankanyň toruna topy 12 gezek degizip, oz tarapyna ýekeje golam geçirtmedi. Emma biziň ýygyndymyzyň gol uran soň çekilip oýnamaklary Arap Emiratlary bilen bolan ikinji oýnumuzdaky soňky minutda gol urmaklaryna ýol açdy we Şri Lankanyn derwezesine bary ýogy 4 gol salmagy başardyk. Emma BAE-nyň Siriýany iki gezekde-de 2 gol tapawut bilen ýeňenini hasaba alsak, biziňkileri utmak mümkinçiligi erbet däl.

 Milli ýygyndy toparymyzyň Owganystan bilen gaýtargy oýuny Kabulda Ruhgüni boljakdyr. Milli toparymyza we Ýaş toparymyza üstünlük arzuw edýäris. Altas Habar Gullugy

 

 

Copyright © 1999 - 2004, All Rights Reserved

Altas News Agency & Information Center