Oba-Hojalyk, Daýhan, Oba Durmuşy

Bugdaý Tohumyň Täze Görnüşleri Getirildi

Gurbansoltan 16, 2004. Türkmen alymlary Orsiýetden getirilen täze tohumlary Daşoguz tohum tejribe merkezinde yzarlanýar. Kupawa, Russo, Pobeda-50, Knýažna, Kroşka we Delta atly bu tohumlaryň ilkinji tapgyr tejribeli üstünlikli geçdi. Öňki tejribelerden Horwatiýadan getirilen tohumlar-am göwnejaý netijeler beripdi. Altas.

TM 100 Sany ‘CASE’ Bugdaý Kombaýny Satyn Alar

Gurbansoltan 16, 2004. Prezident Türkmenbaşy aýyň 6-syna amerikan Case Corporation (‘Keýs Korporeýşn’) şereketiniň wekilligini edýän IP Consult (‘Aý Pi Konsalt’) toparynyň başlygy Yaşar Injesu bilen görüşenden soň, ‘Case’ kombaýnlarynyň 100 sanagyny satyn almagy kararlaşdyrdy. ‘Case 2366’ kysymly bugdaý kombaýnleriniň şertnamasyny Türkmengallaönümleri we Türkmenobahyzmat ‘Case’ şereketi bilen 12 million dollarlyk şertnama gol çekerler. Gerekli karzy Merkezi Bank üpjün eder. Kombaýnlar Magtymguly aýynyň 10-na gelip başlar. Altas

Maksatnama’2004: 170’000 Tonna Şaly Gallasy Öndürmek

ŞÝ

Nowruz 12, 2004. Türkmengallaönümleri we welaýata ýolbaşçylyklarynyň ugrukdyrmalary esasynda bu ýyl tüwi meýilnamasyny 170’000 tonna öndürmek. 105’000 tonna Daşoguz Welaýatyna, 65’000 tonna bolsa Lebap Welaýatyna ýetişdirmegi gönükdürildi. Hususy kärendeçilere döwletiň kömek programmasyna gatnaşmagy teklip edilýär. Programma höwesjeňler döwlet hyzmatlaryndan mugt peýdalanyp bilerler we galla önümüni döwlet nyrhyndan satyp bilerler. Gatnaşmana höwes bildirmeýänler islendik bahasynda açyk bazarda satyp biler.Daýhanbank gerekli karzy prosenti bilen daýhanlara berer. Altas

Hususy we Kärendeçi Daýhanlara Aýratyn Teklip

ŞÝ

Nowruz 11, 2004. Baýdak aýynda hususy we kärendeçi daýhanlara, döwlet tarapyndan ýörite teklip hödürledi. Türkmenpagta bilen şertnama gol çeken daýhanlar mugt hyzmatdan peýdalanyp biler. Örän tygşyty bolan bu teklip meýilnamasynyň içinde ýokary hilli mugt tohum, mugt mör-möjek dermany, dökün we Türkmenobahyzmat ýer alýar. Bu ýylky pagta maksatnamasy 2.2 million tonna ak-altyn öndürmek. Altas

Oba-Hojalyk Reformalary Güýzde

Şamyrat Ýusupow

Baýdak 21, 2004. Metbugat toparlarynyň habar bermegine görä, Türkmenistandaky oba-hojalyk ýagdaýyny ösdürmek we has önümçilikli ýagdaýa getirmek üçin Garaşsyzlyk aýynda ýurt baştutanlary ýygnalarlar. Esasy ara-alynyp maslahatlaşyljak meseleler:

Ýer reformalary
Oba-hojalyk industrilaziýasy (enjamjlaşdyrylmagy)
Bazar ykdysadyýetindäki käbir usullary çalyşmak

Şol sanda Türkmenistanyň oba-hojalygyna degişligi ähli guramalary döwrebaplaşdyrmak, käbir regionlardaky tebigi kynçylyklar sebäbi kynlaşýan ekinleriň meselelerine hem serediljek. Altas

Pagtanyň we Bugdaýyň Täze Tohumlary Tejribe Astynda

Şamyrat Ýusupow

Bitaraplyk 22, 2003 – Durnukly bolmadyk howa ýagdaýlary we suw üpjünçülügi sebäpli, Türkmenistanyň Oba-hojalyk Ministirligi Bugdaýyň we Pagtanyň täze görnüşleriniň tejribe edip işläp çykarmagy gönükdürdi. Lebap-1, Bitarap, we Ýolöten-1 bugdaý görnüşleri gözleg astyndaky ýagdaýda ekildi, we ösüşi we önümi yzarlanyp ýazga geçirilýär. Bu tohumlar labaratoriýada eýýam uly üstünlük bilen tejribe edildi we örän çalt ýetişýändigi we özüni daş-töweregindäki howplardan gorap bilýändigi yzarlandy. Şolar ýaly hem pagta tohumlaryndan Ýolöten-25, Ýolöten-30, Ýolöten-31, Köpetdag, Miras, laboratoriýada yzarlamalary tamamlanyp, ekin tejribesinden geçilip bilinjekdigini we bu tohumlaryň şu wagtky ulanylýan sortdan has önümçülükli boljakdygyny garaşylýandygy metbugat habar berýär. Orta sort pagta tohumlarynda Döwletli, Baky Garaşsyz, we Baýram Han tohumlary hem uly netije wada berýär. Üstünlükli amala aşan tejribeleriň netijesinde şu wagt daýhanlaryň ulanýan tohumlary bilen çalşylyp biler. Altas

Altas News Agency & Information Center