Syýasat, Kanun, Döwlet,
Adalat, Halkara Gatnaşyklar

Editor: Şamyrat Ýusupow

Halkara ‘Aýallar we Çaga Hukuklary’ Konferensiýasy

Şamyrat Ýusupow

 

Gurbansoltan 26, 2004. Migrasiýa ugrunda Halkara Guramanyň, Türkmenistan Adalat Ministirliginiň we ÝUNISEF Türkmenistandaky wekilliginiň gurnamagynda ‘Zenan maşgalalaryň we Çagalaryň Hukuklary Goraýyş’ barada konferensiýa öz işini tamamlady. Ykdysadyýet, saglyk, medeniýet, aragatnaşyk we bilim ýaly ulgamlarda zenanlaryň we çagalaryň ornuny gerek milli, gerek halkara arenada giňeltmek barada meseler ara alynyp maslahatlaşyldy. Konferensiýa Merkezi Aziýadan, Orsiýetden, Günorta Kawkazlardan, Gündogar Ýewropadan, Owganystandan, Hytaýdan, Germaniýadan, Hindistandan, Eýrandan, Liwiýadan, Gollandiýadan, Rumyniýadan, Päkistandan, Britaniýadan, ABŞ-den we halkara guramalardan jemi 250 wekil gatnaşdy. Altas

‘Oňarmadyk Işinden Boş’

Şamyrat Ýusupow

 

Gurbansoltan 23, 2004. Prezident Saparmyrat Türkmenbaşy işini oňarmadyk we düýpli kemçilik goýberen döwlet işgärlerine, şol sanda jogapkärçiliksizlikleri sebäpli aýlyklaryň gijikmegine ýol açan iki ministir we bank işgärlerine işini boşatmak barada buýruk berdi. Banklarda ýeterlik nagt puluň bolmaýyşyny ygtyýarlylaryň malyýe tertip-düzgününi saklamaýyşy we parahorlugyň-korupsiýanyň öňünde jogapkärçiliksizligi sebäp bolandygyny we bu ýagdaý hem halkyň aýlyklarynyň gijikmegine ýol açandygyny we müşderileriň banka bolan gyzyklanmasynyň azalandygyny närazyçylyk bilen prezident nygtap geçdi. Bu ugurda döwlet merkezi kazyýet toparyna derňew işlerini alyp barmagy hem tabşyrdy.

 

Karar arkaly Türkmenistanyň bilim ministrini we malyýe ministrini wezipesinden aýyrdy. Şol sanda işinde kemçilik goýberen 3 döwlet bankynyň we 2 teleýaýlym müdirlerini işinden boşatdy.

 

Mämmetdurdy Saryhanow milli bilim instituty we bilim ministirligi işinden boşadyldy. Ýerine öňki Türkmen Politehniki Institutynyň rektory Hydyr Saparlyýew bellenildi. Politehnik Institutyň täze rektory hökmünde Gurbanberdi Garýagdyýew bellenildi.

 

Ýazguly Kakalyýew ykdysadyýet we malyýe ministirligi wezipesinden boşadylmak bilen, Halk Bank we prezidentiň ýanyndaky Daşary Ýurt Maýa Goýumlar jemgyýetindäki agzalyklaryndan we ADB  we  IMF malyýe guramalarynyň Türkmenistan wekilliginden hem mahrum edildi.

 

Bibitäç Wekilowa malyýe we ykdysadyýet ministiriniň orunbasary hökmünde täze wezipä bellenildi.

 

Muhammetberdi Mämmedow Türkmen milli ykdysadyýet institutynyň rektorlugy wezipesinden boşadyldy. Muhammetgeldi Annaamanow Türkmen ykdysadyýet institutynyň rektor orunbasarlygy işinden boşadylyp, rektorlugy wezipesine bellenildi.

 

Nurgeldi Gulyýew Halk Bankyň müdirligine bellenildi.

 

Sonagül Ataýewa Garaşsyzlyk Bankynyň we Altymyrat Rejepow Türkmenistan Bankynyň müdirligi wezipelerinden boşadyldy.

 

Döwletmyrat Baýmyradow milli gorag ministirligi wezipesine bellenildi.

 

Orazgeldi Aralyýew Ahal welaýaty häkim orunbasarlygy wezipesinden boşadyldy. Ýerine Orazmyrat Garajaýew bellenildi.

 

Gurbangeldi Annaýew ‘Altyn Asyr’, Bägül Nurmyradowa bolsa ‘Miras’ teleýaýlym kanalynyň müdirligi wezipelerinde bellenildi. Gurbangeldi Annaýew ‘Miras’dan ‘Altyn Asyr’a geçirildi.

 

Täze bellenen kadrlar ilkinji 6 aýy ‘Synag’ hökmünde berjaý etjekdir.

 

Çeşme: nCa

 

Altas

 

Copyright © 1999 - 2004, All Rights Reserved

Altas News Agency & Information Center