Medeniýet we Sungat

Editor: Şamyrat Ýusupow

Köpetdagyň Eteginde Iň Uly Bedew Toplumy Açyldy

Gurbansoltan 26, 2004. Prezident Türkmenbaşynyň gatnaşmagynbda dabaraly ýagdaýda Aşgabadyň eteginde 56 gektar meýdanlyk Merkezi Aziýada iň uly at toplumunyň açylyş dabarasy bolup geçdi. Bu toplum 300 at içine alyp bilýän alty athanadan ybaratdyr. Bu toplumda saglyk goraýyş weterinar bölümünden, ahaltekeleriň suwa düşer ýaly howuza çenli dürli hyzmatlar bar. Toplumyň gurluşyk harajaty 12.5 million amerikan dolar boldy. Toplumy gurluşugyny türkiýeli ‘Polimeks’ topary alyp bardy. Altas

III Halkara Ak Şäher – Aşgabat Sergisi

Gurbansoltan 26, 2004. Aşgabatda bolup geçýän özgerişleri göz öňüne serýän ‘III Halkara Ak Şäher – Aşgabat Sergisi’ Söwda-önümleri Sergi Merkezinde (WDNH) bolup geçdi. Sergi burçlarynda ülkämizde iş çalyşýan 13 döwletiň şereketleriniň berýän hyzmatlary we öndürýän önümleri barada maglumatlar sergilenipdir. Üç dowam eden sergide tomus-bahar geýimlerinden dürli öý-hojalyk önümleri barada zyýaratçylar tanyşmana pursat tapdy. Altas

Mukaddes Gurhan Türkmen Dilinde

Gurbansoltan 16, 2004. Eýranyň Mehr Habar Gullugynyň habar bermegine görä Eýrandaky sünni türkmenleriň Juma namazy ymamlaryndan Abedikar tarapyndan Kurany Kerimiň türkmen diline terjime edildi.

Bu terjime 31 ýyllap dowam edendigini, Mukaddes Kitabyň terjimesi 4 tomda, 2900 sahyapada jemlenendigini jp. Abedikar metbugata habar berdi. Kuranyň terjimesi, has dogrusy mealynyň ülkedäki we daşarydaky türkmenleriň bu Mukaddes Kitaby we Yslamyň esaslaryny doly düşünmek üçin hödürlenendigini, ol ýeri gelende aýdyp geçdi.

Jp. Abedikar Yslam dünýäsine bu goşandy bilen türkmen ildeşlerine ýardam üpjün etjekdigini arzuw edýär. Altas

Türkmenbaşy Ýewraziýa Ýazyjylar Konseýine Çagyryldy

Şamyart Ýusupow

Gurbansoltan 3, 2004. Ertir Ystanbulda edilmegi meýillenýän Ýewraziýa Ýazyjylar Konweýine Türkmenistandan ýurt baştutany Beýik Saparmyrat Türkmenbaşy bilen, meşhur ‘Üç Nokatdan Biri’ atly romanyň awtory Ylýas Amangeldi türkmen topary adyna çagyryldy. Bu konweýde Merkezi Aziýanyň we Ýewraziýanyň dünýäniň alýan ugryna şekil berişi barada pikir alyşylar.

Türkmenbaşy şu ýylyň başynda Türki Halklar Medeni Guramasy tarapyndan ‘2003-nji ýylyň Türki Halklary Tanatmana Iň Uly Goşant Goşan Ýazyjy-Şahyr’ baýragyna laýyk görüldi. Prezident Türkmenbaşynyň bu baýragy laýyk görülmeginiň esasy sebäbi 2001-nji ýylyň sentýabr aýynda neşre girizilen, 20-ä golaý dile terjime edilen Mukaddes Ruhnama kitaby boldy. Onuň ýazan ‘Türkmen Ilim Aman Bolsun’ atly goşgular toplumy kitaby hem uly üns ýygnady we şu wagt türk diline terjime edilip, Türkiýedäki okyjylaryna gowuşdy. Altas

Aşgabatda Sungat Sergisi Geçirldi

Şamyart Ýusupow

Baýdak 27, 2004. Aşgabatda türkmeniň milli we ruhy baýlyklaryny ýüze çykarýan sungat sergisi, Baýdak Baýramyna bagyşlanyp geçirildi. Sergä iki ýüzden gowrak sungat önümleri gatnaşdy, şol sanda hala dokalan dürli hünär işleri. Saýlanan medeniýet ministirliginden emin agzalar iň oňat işlere sowgat gowşurdy. Altas

Hormat Teňňeleriniň Ikinji Galyplanyşy

ŞÝ

Baýdak 27, 2004. Baýdak Baýramyna gabatlap Türkmen Merkezi Banky milli şahyrlaryň hatyrasyna hormat zikgeleri çykardy. 500 manat gadry bolan 3 görnüş kümüş we 1000 manat hümmeti bolan 3 görnüş altyn teňňeler, bu gezek şahyrlarymyz Mämmetweli Keminä (1770-1840), Mollanepese (1810-1862), we Seýitanazar Seýidä (1760-1830) bagyşlanandyr. Altas

Altas News Agency & Information Center