Dünýä Habarlary

Zimbabwe: “Sen bolmasaň, Senemjan!”

Şamyrat Ýusupow

 

Bitaraplyk 9, 2003. Köpsi öňki Britaniýanyň koloniýalary bolan 54 döwletleriň arkalaşygy bolan Commonwealth (Komonwels’)-iň nobatdaky maslahaty Nigeriýanyň paýtagty Abujada geçirildi we dün ahyrky gününi tamalady.

 

Lideri Mugabeniň 2002-de geçirilen saýlawlarda hilegärlik bilen ýazgarylyp Uzak wagtlap agzalykdan täsgenen Zimbambwe, dün ahyrky gününde agzalykdan aýrylýandygyny dile getirdi.

 

Döwlet ygtyýarlylarynyň aýtmagyna görä, bu Britaniýanyň we onuň “Ak Ýoldaşlary”nyň Zimbambwe garşy döreden blogunyň gizli syýasatydygyny belledi.

 

“Näme bahanalary bolsa-da, Commonwealth Britaniýanyň we onuň ‘ak ýoldaşlarynyň’ -Zimbambweni Tankytçy Edara-syna öwrüldi,” diýip döwlet ygtyýarlysy Didymus Mutara belledi.

 

Ygtyýarlylary kanagaty boýunça, Zimbamweniň agzalykdan täsgeneniň sebäbi, başutan Robert Mugabediniň ‘Ýer reformasy’dygyny nygtadylar. Bu reformada ekin ýerleriniň uly bölegini alan aklardan topraklarynyň uly bölegini alyp, topraksyz gara raýatlara paýlandygy hasabat berildi. Kyn ýagdaýdaky raýatlaryna kömek edeni sebäpli Zimbambweni Britanýa hökümmeti 2002 saýlawlaryny bahana tutup agzalykdan wagytlaýyn täsgediler.

 

Emma Mugabegi Commonwealth-iň näzini çekip oturmady, ‘Sen bolmasaň, Senemjan!’ diýen ýaly “Biz arkalaşykda galanymyz bilen, agzalygymyz günäsiz ýere täsgenjek bolsa, iň gowusy agza bolmadygymyzdyr!” diýip, Britaniýa hökümmetiniň syýasatyny ýazgardy. Altas Habar Gullugy

Orsiýetde Saýlawlaryň Sanawlary Dowam Edýär

Gaýgysyz Garaýew 

 

Bitaraplyk 8, 2003. Ors metbugatynyň habar bermegine görä, Moskwa sagady bilen 4.00-e çenli saýlaw kagyzlarynyň 46.93 göteriminiň sanawy jemlendi. Orsiýet Komunist Partiýasy (КПРФ) 12.9 göterim ses alyp, 12.8 ses alan Orsiýet Baştutanlyk Demokrat Partiýasyny (ЛДПР) yzda goýdy, we ikinji ýere çykdy. Birinji ýerde entek hem “Agzybir Orsiýet” Partiýasyna (Единая Россия) degişli - 36.5% .

 

Rodina –8.3%

Ýabloko –4.2%

Agrar Partiýa –4.1%

SPS –3.8%

Pensiýonerler Partiýasy –3.4%

Seleznýow-Mironow bloky–2%

 

Saýlawa gatnaşanlaryň 4,7 göterimi hemmesine garşy ses berdi. Altas Habar Gullugy 

ABŞ-den Gürjistanyň Täze Hökümmetine Goldaw

Şamyrat Ýusupow

 

Sanjar 29, 2003, Ruhgün. Oppozisiýanyň basynjy bilen işden aýyrylan prezident Şewardnadzeniň ýerine geçen wagytlaýyn hökümmete, ABŞ uly goldaw berdi. ABŞ Daşary Işleri Ministirliginiň sözjüsi Riçard Bauçer, Daşary Işleri Ministri Kolin Pawel täze saýlawlar bolýança wagytlaýyn döwleti dolandyrjak Nino Burjanadzeni goldaýandygyny telefon arkaly aýtdy. Şol sanda Şewardnadze meseläni parahatçylykly çözmek üçin ‘tahtdan’ aýrylmak bilen uly iş edendigi, we munyň üçin minnetdarlyk bildirýändigi aýtdy.

 

“Halk oppozisiýa lideri Mihail Saakaşwilli we kollektiwiniň syýasatyny üýtgeşik bir ýagdaýa getirmek üçin eden çakylygyna goşuldylar,” diýip Bauçer öz sözünde belläp geçdi.

 

Özünde tebigi resurslary bolmadyk, ykdysayýeti agyr emma hereketli bu döwlet, uly karzlaryň içine batyp galdy. Şol tebigi gazyň üpjünlügi üçin bolan Orsiýete we Türkmenistana bolan karzy sebäpli, wagtynda tölemezlik ýagdaýynda ýygy-ýygydan kesilip durýar. 1994-de 600 million dollarlyk karza giren Gürjistan, uçarlary bejerip we mugt çaý, çilim we wino eksport edip bergisinden gutulmagyn çäresine seredýär.

 

Burjanadzeniň iň uly umydy Häzirbegjan-Gürjistan-Türkiýe-Ýewropa nebitprowodydyr. Şol sebäpli şu wagt iki Türki döwletler bilen ýakyndan hyzmatdaşlyklar we arkalaşyklar başladyldy. Altas