Dünýä Habarlary

Editor: Şamyrat Ýusupow

Owgan Operasiýasyna 8,2 Milliard Dollar Haýyr

Gurbansoltan 3, 2004. Berlinde geçen BMG-nyň konferensiýasynda, Owganystandaky neşekeşlik meselesini çözmek üçin düzülen operasiýasynyň goldawy üçin Türkmenistan bilen bilelikde gatnaşan 50 döwletden 8,2 milliard amerikan dollar haýyr ýygnaldy. Hamid Karzai Owganystanyň dünýä neşesini uly böleginiň çeşmesi bolansoň, bu çeşmäne düýbünden ýokatmak üçin edilen bu haýyr üçin minnetdarlyk bildirdi. Konferensiýa 2 gün dowam etdi. Altas

Özbegistanda Ýagdaý Gowşak

Gurbansoltan 3, 2004. 3 gün yzly-yzyna dowam eden terrorçylykly çozgunlaryň pidalary 66 adam boldy. 61 adamam ýaralandy. Ülkede geçirilmeli liga we Jahan Kubogy saýlanşygy oýunlary gijikdirildi. Mekdepler aýyň 5-ne çenli jogap. Şu wagt 30dan gowrak adam gamak astyna alyndy. Soňky wakada ‘ölümçil’ çozgun edip özüni partlaýyjy bilen ýaran orta ýaşly aýal, bir adamyň ölümüne sezewar boldy, özi bolsa agyr ýaralandy we hassahana ýatyryldy. 3-4 günden bu aýal özüne gelse, soraglaryň başlamagy mümkin diýip gorag gulluklary habar berýär. Pidalaryň maşgalalary bilen soraga çekişler dowam edýär. Metbugata syzan käbir ulaldylan habarlar halky aladalandyrdy. Bu panikadan köşeşdirmek işleri alnyp barylýar. Hökümet bu ‘ýaramaz’ işleri El-Kaýda terrorçy guramanyň meýilleri diýip çaklaýar. OSCE guramasy wekil agzalary ýakynda Daşkent we Buhara derňew saparlarynda bolmakçy. Bu terrorçulykly waka Aşgabat tarapyndan berk ýazgaryldy. Altas

Türkiýde Regional Saýlawlar – Adalat we Galkynyş Partiýasy Ynam Täzeledi

Arkadag Gurbanow

Nowruz 31, 2004. Nowruz aýynyň 28-i güni Türkiýede regional saýlawlar bolup geçdi. Saýlawlaryň netijeleri garaşylan netijeleri ýalan çykarmady. Aslynda bu saýlawda halkyň häzirki dolandyryşdaky syýasy partiýa bolan ynamynyň dowam edip etmeýändigi barlanýan ýalydy. Häzir ýolbaşçylykda bolan Adalat we Galkynyş Partiýasy (Adalet ve Kalkınma Partisi : AKP) 2002 ýylynda bolup geçen umumymilli saýlawlardaky netijesini ýokarylandyrmagy başardy. AKP %41.92 aldy, oňa iň ýakyn bolsa %18.01 bilen Respublikant Halk Partiýasy – CHP(Cumhuriyetçi Halk Partisi) gelýär. MHP (Milliyetçi Hareket Partisi) %10.76, we 2002 ýyldaky umumy saýlawlarda %7.00 den gowrak ses ýygnan GP (Genç Parti), regional bolan bu saýlawlarda diňe %2.68 alyp bildi. Altas

Terror Özbegistany Basdy: 19 Öli

Şamyrat Ýusupow

Nowruz 30, 2004. Metbugat serişdelerinden gelip gowşan habarlara görä, Daşkent şäherinde we Buharada yzgiderli partlamalaryň emele geldi. Özbegistanda ilkinji gezek amala aşyrylan ‘Ölümçil çozgunlar’yň gurbany, 19 adam bolandygyny we ýaralananlaryňam sanynyň 30 töweregidigi habar berildi. Bu wakanyň uzak wagtlap taýýarlanandygyny prezident Yslam Kerimow, milli telewideniýede dile getirdi. Terrorçulygyň arkasyndakylar barada giňişleýin maglumatlar anyklanýar. Altas

Altas News Agency & Information Center