Altas HG

Sahypamyz Barada Iki Kelam

Gurbansoltan 18, 2004.

Sahypamyz ilkinji 1999-nji ýylyň dekabrynda nobatda Altyn Asyr ady bilen açylypdy, we bu ady bilen 1999-2003 aralygynda hyzmat berdi. Emma, ‘Altyn Asyr’ adynyň köp türkmen edara we merkezlerinde ulanylmagy, hatda bu at bilen döwlet saýtynyňam we teleýaýlym kanalynyňam açylmagy sebäpli toparymyzyň adyny birazrak üýtgetdik: ‘altyn’ sözünden ‘ALT’, asyr sözünden ‘AS’bölegini alyp, ‘ALTAS’ habar gullugyny döretdik. 2003 Sanjar aýy bilen 2004 Türkmenbaşy aýy aralygynda Altyn Asyr Zonasy birazrak dinç aldy. Altas Habar Gullugy ady bilen Türkmen.Net sahypasynda habarlarymyzy ýaýymlamana dowam etdik. Emma Türkmen.Net baş redaktorunyň gaty meşgul bolanlygy sebäpli Altyn Asyr freeserverimizi ‘Altas’yň adyndan ulanmana dowam etdik. Türkmenistan habarlaryny esasanda şu çeşmelerden alýas:

http://www.turkmenistan.ru

http://www.turkmenistan.gov.tm

http://www.newscentralasia.com

http://www.zaman-tm.com

Şol sanda TürkmenPost üçin birnäçe gezek habar ýazyp, TurkmenNet-e goşant goşmana çalyşdyk.

Toparymyza sizem goşulyp bilersiňiz. Bize ýazmak üçin altas@turkmen.net ýa-da altynasyr@yahoo.com .

Şamyrat Ýusupow

Sanjar 27, 2003.

Salam, eziz dostlar !
Biz kän zerur bolmasa-da sahypamyz we özümiz barada bir-iki agyz aýdaly diýdik.
Umuman sahypamyzyň açmak pikri 1999-nji ýylyň ahyrlarynda kellä geldi. Biz Malaýziýa’da okaýan talyplar bolan soň, bärdäki tehniki müňkinçülüklerden peýdalanyp örän gyzykly bir sahypa açmak niýetimiz bardy. Sebäbi ol wagt internetde Türkmen dilinde sahypalar örän azdy. Hatda diňe Sanjar Kafe we Turkmens.Com bardy. Beýleki Türkmenistanyň sahypalary Ors we Iňlis dillerindedi. Meşhur agAjanyň sahypasy ýaňy üýtgeşik dizaýnlarda ýüze çykyp başlan wagtydy. Beýleki sahypalaryň köpsi şahsy bolup, özi barada maglumat, başga sahypalara sepler, beýleki dillerde(Ors, Iňlis we Türk dilleri ýaly) makalalar ýerleşdirilendi, wşm.

Emma biziň käbir ýetmezçiliklerimiz sebäpli beýle bir sahypany ýüze çykaryp bilmedik. Sahypamyz bir ýarym ýyla ýakyn hyzmatda däldi. Soň elimize mümkinçilik geçende bolsa eýýam gijä galypdyk. TürkmenNet-de eýýam her mowzukda sahypalar, makalalar, suratlar çykypdy. Şol sebäpli biz Altyn Asyr Sahypamyzda kän bir bölüm açmadyk, we kän makala-da ýazmakçy däl. Munyň iki sany esas sebäpleri:

Biz Uniwersitet talyplary bolan soň okuw bilen başa-baş, websahypa üçin aýyrmana wagt ýok diýen ýaly.
Ýokarda belläp geçişimiz ýaly, TürkmenNet-de eýýam dürli mowzuklarda makalalardyr sahypalar bar. Olaryň makalalary okalman biziňki okalsa, olaryň eden zähmeti ýerine gelmez. (Elbetde, olar eýýam bizden öňürti belli bir babatda sahypalaryna maglumat ýerleşdiren bolsalar, biziň şol bir mowzuk hakynda gaýtalamagymyz hökmän bolmaz.) We biz-em şol sebäpli başga sahypalarda bolmadyk, ýöne köplenç mätäç duýulýan bölümleri açmagy kellämize düwdük.

Mysal çet ýurtlylar üçin aňsat görnüşde Türkmen Dili Gramatikasy bolümüni açdyk. Bu bölüm biziň üçin örän zerurdy, sebäbi uniwersitedimizde ýerli talyp dostlarymyz üçin uniwersitediň rugsady bilen Türkmen we Rus dilleri kurslary açdyk. Jogapda Türkmenistana gidenimde çet ýurtlylara Türkmen Dilini öwretmek üçin ulanyp boljak oňat materýal gynansakda tapyp bilmedim. Rus Dili materýaly internetde-de doly, şonuň üçin ol gaty uly mesele bolmady. Türkmenistanda tapyp bilmedik zadymy internetde nädip tapçak diýsene. Ýöne beýle-de diýmeli däl. Belki hemmäňiziň habaryňyz bardyr, Greg Lastowkanyň Çaýhana atly websahypasynda kompýuteriňize geçirip bolýan WinWord-da taýýarlanan Türkmen-Iňlis, Iňlis-Türkmen Sözlügi bar. Bu sözlügiň soňunda gysgaça oňat görnüşde Türkmen Dili Gramatikasy dokumenti taýýarlanypdyr. Greg Lastowkadan rugsat sorap HTML görnüşünde Türkmen.Net-e ýerleşdirdik.Eýho!-daky Türkmen Elipbiýiniň hem peýdasy boldy.

Talyp Täzelikler-em edil şolar ýaly. Daşary ýurtdaky talyplar wiza meselesi sebäpli Türkmenistan kän gidip gelesleri gelenokdy. We beýle bir täzeligi eşiden Türkmen talyp jogapdaky planlary üýtgedip biler.Wşm.

Baýramdyr bildirişler hakynda ýazanymyzda hem gysgaça we degişme görnüşde tutjak bolýarys. Sebäbi bu mowzuklarda habar okajak bolýan Ajap.Net-e, düzme okamak isleýän agAjan bilen Eýho! sahypalaryna, surat görmek isleýänler-em Turkmens.Com we Suratlar.8m.Com-a girse gözleýän zadyny arkaýyn tapar. Bu sebäpli biz okyjylarymyza üýtgeşik, aýratyn ýüz bilen seretjek we seretdirjek bolýarys.

proýektler…

Abdy Rahmanow

Altas News Agency & Information Center